FLASH
Shkruar nga Pamfleti
Autori i dyshuar i vrasjes së Gjin Ndoj Boriçit në Shkodër më 9 Gusht të 2020-ës në Shkodër, Denis Brajoviç, është arrestuar në Emiratet e Bashkuara Arabe.
Boriçi ishte shpallur në kërkim në kuadër të megaoperacionit të koduar “Metamorfoza” pasi u vu nën akuzën e SPAK për vrasje.
Burime bëjnë me dije se Emiratet e Bashkuara kanë nisur informacionin zyrtar pranë Ministrisë së Brendshme për arrestimin e tij dhe menjëherë kanë nisur procedurat për ekstradimin e Brajoviç, i njohur dhe si pjesë e bandës së Bajrëve.
Nga përgjimet rezulton se Denis Brajoviç ka qenë ekzekutori i Gjin (Ndoji) Boriçit.
“…Gjoks e kry, kapedan. Mu blloku, se dosha me ja gri kryt, se më tha diçka…” i shkruante Denis Brajoviç, Behart Bajrit, teksa rezulton se më pas ata i kanë shkuar të dy edhe në varrim.
Pjesë nga përgjimet e SKY:
Behar Bajri: U kry, tani presim atë tëndin, atë që deshi ai u kry, Gjin deshti ai…
Pëllumb Gjoka: Ok vëlla, kjoft me zotin, futja gjumit.
Pak minuta më vonë, Behar Bajri që thirrej edhe me pseudonimet “Kapadeni” e “Lopata”, komunikon me shtesain Denis Bajri që dyshohet se është një nga autorët ku I tregon edhe mënyrën e ekzekutimit.
Denis Brajoviç: Gjoks e kry kapedan, mu blloku se desha me ja gri kryt, se me tha diçka…
Më pas Denis Bajroviq njofton edhe Ervis Martinaj për ngjarjen dhe e pyet nëse ka dalë apo jo në televizor lajmi për vrasjen e Gjin Borriçit. Autorët marrin telefonat e viktimës një prej të cilëve përdorej për aplikacionin sky dhe më pas djegin makinën më të cilën kryen vrasjet.
Denisa Bajroviç: Po vëlla SKY, e fshiva krejt prej këtu. Jo se menduam se e ka pas në çantë, por e kishte pas në xhep. Atë tjetrin ja thym edhe e tretëm. Makina u djeg, teshat I djegëm.
Rezulton se Pëllumb Gjoka ka bashkëpunuar edhe me zyrtarë të policisë siç është edhe rasti I Ardit Hasanbegajt, ku kërkon prej këtij të fundit informacion për vrasjen e Borriçit.
Pëllumb Gjoka: Çfarë ishte ajo e mbrëmshmja?
Ardrit Hasanbegaj: Nuk e di, paska qenë me hasmëri, për punën e një vëllait, plus paska qenë kollarexhi.
Pëllumb Gjoka: Si duket si dorë?
Ardrit Hasanbegaj: Ka punuar mirë kopili dhe si duket kanë qenë dy ose më shumë. Të vështirë do e kemi, por besoj do të nxjerrim diçka.
Lini një Përgjigje