FLASH
Shkruar nga Pamfleti
Një shpërthim me tritol ka ndodhur në orët e para të mëngjesit të sotëm në Fushë Krujë.
Sipas policisë, ngjarja ka ndodhur rreth orës 02:15, në aksin rrugor “Fushë Krujë-Derven”.
Lënda plasëse, ishte vendosur në hyrjen e një dyqani, në përdorim të shtetasit D.L., teksa nga shpërthimi janë shkaktuar vetëm dëme materiale, pa pasoja në njerëz.
Sakaq, nuk dihen ende arsyet e vendosjes së kësaj lënde plasëse në dyqan dhe nëse pronari ka ndonjë konflikt. Grupi hetimor po punon për sqarimin dhe dokumentimin e plotë të ngjarjes, si dhe identifikimin e autorit/ve.
"Krujë/Informacion paraprak
Rreth orës 02:15, në aksin rrugor “Fushë Krujë-Derven, në hyrjen e dyqanit në përdorim nga shtetasi D. L., rreth 30 vjeç, ka shpërthyer një sasi e vogël dyshohet lëndë plasesë, duke shkaktuar vetëm dëme materiale.
Grupi hetimor sëbashku me shërbimet e Policisë po punojnë për sqarimin e rrethanave të rastit dhe identifikimin/kapjen e autorit", njofton policia.
Lini një Përgjigje