FLASH
Shkruar nga Pamfleti
Në zbatim të një letërporosie të ardhur nga autoritetet belge, janë ushtruar kontrolle të përbashkëta në disa ambiente në Berat, me pjesëmarrjen e SPAK-ut, BKH-së dhe Prokurorisë së Rrethit.
Gjatë operacionit, në banesën e një 33-vjeçari, policia gjeti dokumente të dyshuara si false, një pajisje elektroshoku dhe fishekë arme gjahu. Si rezultat, u arrestua 33-vjeçari me inicialet H. V., ndërsa sendet e dyshuara u sekuestruan.
"Në zbatim të një letërporosie të autoriteteve belge, kryhen kontrolle në 4 ambiente, në bashkëpunim me SPAK-un.
Policia gjeti në banesën e një 33-vjeçari, dokumente false, elektroshok dhe fishekë arme gjahu.
Arrestohet 33-vjeçari dhe sekuestrohen sendet.
Si rezultat i kontrolleve të kryera në 4 ambiente, në bashkëpunim me SPAK-un, me BKH-në dhe me Prokurorinë e Beratit, në zbatim të një letërporosie të autoriteteve belge, specialistët e Seksionit për Hetimin e Krimit Ekonomik dhe Financiar të DVP Berat arrestuan në flagrancë shtetasin H. V., 33 vjeç.
Në banesën e këtij shtetasi, në lagjen “28 Nëntori”, u gjetën 1 kartë identiteti dhe 1 leje drejtimi për automjet, të dyshuara false, si dhe 1 elektroshok dhe disa fishekë arme gjahu.
Materialet procedurale iu referuan Prokurorisë së Beratit, për veprime të mëtejshme", njofton policia.
Lini një Përgjigje