FLASH
Shkruar nga Pamfleti
Një 14-vjeçar është shoqëruar në Komisariatin e Policisë Krujë, pasi tentoi të vidhte një market në pedonalen e qytetit. I mituri akuzohet se theu xhamat e subjektit me një çekiç për të hyrë brenda, ndërsa ngjarja u filmua dhe pamjet u publikuan në rrjetet sociale.
Gjatë shoqërimit policia sekuestroi çekiçin me të cilin dyshohet se u thyen xhamat e marketit, si dhe veshjet që 14-vjeçari mbante në momentin e tentativës për vjedhje.
Për shkak të moshës, ndaj të miturit po kryhen veprimet procedurale në prani të prindërve, mbrojtësit ligjor dhe psikologut. Materialet i janë referuar Prokurorisë për veprime të mëtejshme.
"Tentoi të vidhte me thyerje, në një market në pedonalen e qytetit, identifikohet dhe shoqërohet pak orë pas krimit, autori i dyshuar.
Sekuestrohen sendi i fortë (çekiç) me të cilin 14-vjeçari theu xhamat e subjektit, dhe veshjet që mbante në momentet e krimit.
Menjëherë pas njoftimit për një tentativë për vjedhje me thyerje, në orët e para të mëngjesit të sotëm, në një market në pedonalen e qytetit (rast i pasqyruar dhe në rrjete sociale), specialistët e Seksionit për Hetimin e Krimeve të Komisariatit të Policisë Krujë kryen veprimet e nevojshme hetimore dhe procedurale, për kapjen e autorit.
Si rezultat i këtyre veprimeve, u identifikua dhe u shoqërua në ambientet e Komisariatit, pak orë pas kryerjes së krimit, autori i dyshuar i rastit, një 14-vjeçar, me të cilin vijojnë të kryhen veprime procedurale, me asistencën e prindërve, mbrojtësit ligjor dhe psikologut.
Materialet procedurale iu referuan Prokurorisë, për veprime të mëtejshme", njofton policia.
Lini një Përgjigje