FLASH
Shkruar nga Pamfleti
Një 46-vjeçar është vënë në prangat e Policisë, pasi u kap në flagrancë duke vjedhur një biçikletë në hyrje të një pallati në rrugën “Kastriotët”, në Tiranë.
Sipas policisë, 46-vjeçari dyshiohet si autor i 12 vjedhjeve të tjera të ndodhura gjatë muajve qershor dhe korrik, kryesisht të biçikletave dhe motomjeteve elektrike.
"U kap në flagrancë duke vjedhur një biçikletë, në hyrje të një pallati, vihet në pranga 46-vjeçari.
46-vjeçari dyshohet dhe si autor i 12 vjedhjeve të tjera të kryera gjatë muajit qershor dhe korrik.
Shërbimet e Komisariatit të Policisë Nr. 3, në bashkëpunim me Komisariatet 2 dhe 4, në vijim të punës për goditjen e paligjshmërive në fushën e vjedhjes së pronës dhe pasurisë, kapën dhe vunë në pranga shtetasin F. B., 46 vjeç.
Ky shtetas u kap në flagrancë duke vjedhur një biçikletë, në hyrje të një pallati në rrugën “Kastriotët”.
Gjithashtu, nga veprimet hetimore dyshohet se ky shtetas, gjatë periudhës qershor-korrik 2025, ka vjedhur 12 motomjete elektrike/biçikleta, në lagje të ndryshme të Tiranës.
Materialet procedurale i kaluan Prokurorisë, për veprime të mëtejshme", njofton policia.
Lini një Përgjigje