FLASH
Shkruar nga Pamfleti
Sonte mbahet nata finale e Festivalit të Sanremos, ku mes pesë artistëve finalistë renditet edhe kantautori Ermal Meta me këngën “Stella Stellina”. Kënga është një dedikim për fëmijët e Gazës, të cilët përshkruhen si viktima të pafajshme të konfliktit Izrael–Palestinë.
Performanca dhe mesazhi i këngës kanë marrë vlerësime publike. Ikona e muzikës italiane, Adriano Celentano, është shprehur se Meta “e meriton fitoren”, duke vlerësuar tekstin dhe ndjeshmërinë e këngës.
Mbështetje për artistin me origjinë shqiptare ka shprehur edhe ministri italian Matteo Salvini, i cili e ka përgëzuar për integrimin e tij në Itali. Sipas Salvinit, janë të çmuar ata shtetas me origjinë të huaj që jetojnë e punojnë duke u integruar plotësisht në shoqërinë italiane.
Ndryshe nga edicionet e kaluara, në finalen e kësaj mbrëmjeje publiku do të ketë mundësi të votojë vetëm për një artist.
Lini një Përgjigje