Politike12 Shkurt 2024, 14:07

“Bën takime me 5 vetë, fut dhe foton e Ismail Qemalit dhe e raporton sikur ishin 15”, cili është deputeti i PS që Rama e ironizoi gjatë Asamblesë

Shkruar nga Pamfleti

“Bën takime me 5 vetë, fut dhe foton e Ismail Qemalit dhe e

Krahas llogaridhënies rigoroze Asambleja Socialiste prodhoi edhe batuta ku protagonist ishte sigurisht kryesocialisti Edi Rama.

Teksa serioziteti diskutimeve ishte në kulmin e vet mbase edhe për ta çtensionuar situatën Edi Rama ka bërë një ndërhyrje pas raportimit të deputetit të Vlorës, Anduel Tahiraj.

Rama me një ironi therëse e cila ishte edhe një mesazh në fakt,  për punën e PS në qarkun e Vlorës ku është zgjedhur deputet, i ka tërhequr vëmendjen Tahirajt.

“Ti Anduel bën takime me pesë veta dhe mbrapa ke edhe foton e Ismail Qemalit duke dëgjuar kuvendin tuj, ndërkohë raporton takime me 15 veta në sistemin e rienergjizimit të PS” ka thënë Edi Rama.

Kaq është dashur që kjo batutë e Ramës të prodhojë të qeshura në mesin e anëtarëve të Asamblesë Kombëtare në atë që mund të konsiderohet “një provim” me notë jo plotësisht kaluese ndaj performancës të Organizatave Socialiste në bazë./ TCH