Politike26 Prill 2024, 12:30

Blushi thirrje edhe policëve në protestë: Jeni të vjedhur, mos u përdorni kundër popullit!

Shkruar nga Pamfleti

Blushi thirrje edhe policëve në protestë: Jeni të vjedhur,

Sekretari i Përgjithshëm i Partisë së Lirisë, Tedi Blushi, në protestën e opozitës para Bashkisë së Tiranës, ka bërë thirrje për policët duke i kërkuar që të mos përdoren nga pushteti.

Blushi tha se drejtësia është e kapur, por askush nuk e ndalon dot popullin që të kërkojë drejtësi.

Sipas tij është e papranueshme që policia nuk i lejon këshilltarët bashkiakë të futen brenda në ambjentet e Bashkisë së Tiranës.

“Jemi këtu prej katër javësh për të protestuar ndaj nje kryetari bashkie që ka thyer çdo rekord në krim, vjedhje, dhunim të drejtave të qytetarëve të Tiranës.

Koha e fjalëve ka mbaruar sepse siç e shikoni, nuk është më bashkia e Tiranës po një burg i madh i rrethuar nga Policia.

Kam një thirrje për policët e ndershëm në këtë protestë, të vjedhur si këta qytetarë, që merrni një pagë skandaloze: edhe në xhepat tuaja Veliaj ka futur duart çdo ditë. Ashtu si edhe populli, edhe ju policë me apo pa uniformë, jeni të vjedhur njësoj si ne. Mos u përdorni për t’u përballur me popullin! Nuk ka regjim që të ndalë popullin të kërkojë drejtësi.

Përsa kohë kjo drejtësi është e kapur, kjo drejtësi dhe policia e Taulant Ballës, personazhit më të inkriminuar, politikanit të lidhur drejtpërdrejt me bandat, ashtu si shefi i tij Edi Rama, nuk kanë fuqi të ndalin popullin të kërkojë drejtësi, të protestojë për vjedhjen dhe të çlirojë bashkinë e Tiranës nga mafia e inceneratorëve dhe nga organizata kriminale 5D.

Unë kam një ftesë për të gjithë kolegët e mi të Këshillit Bashkiak të Tiranës. Ne nuk mund të pranojmë si të zgjedhur të qytetarëve, që të qëndrojmë këtu.

Është koha që ne t’i drejtohemi bashkisë së Tiranës, të gjithë këshilltarëve të Tiranës, se është e papranueshme që policia e Ballës dhe e Ramës na pengon sot të ushtrojmë detyrat tona. Ne jemi sot në ballë të protestës sepse nesër këta policë do të detyrohen t’ju pengojnë të hyni në bizneset tuaja, shtëpitë tuaja dhe ne nuk do ta lejojmë.

I bëj thirrje Policisë së Shtetit që të hyjmë paqesisht ne këshilltarët e bashkisë së Tiranës që prej aktor muajsh presim përgjigje nga bashkia për transparencën e aferave korruptive.

Ne nuk kemi asgjë me ju, na hapni rrugën sepse do të hyjmë në institucion ne këshilltarët e bashkisë për të kërkuar transparencë”, tha Blushi.

tedi blushi proteste bashkia tirane