FLASH
Shkruar nga Pamfleti
Ministri i Drejtësisë, Ulsi Manja i është përgjigjur kryeministrit Sali Berisha, pasi ky i fundit e akuzoi se ka nxjerrë informacion për arrestimin e Vangjush Dakos 4 ditë para se të dilte vendimi.
Në fjalën e tij para Kuvendit, Manja është shprehur se mezi e ka pritur këtë ditë për drejtësinë, duke shtuar: Jam i lumtur që arritëm këtë ditë që unë dhe ti të dalim para drejtësisë. Sipas Manjës, Berisha është shumë i shqetësuar për drejtësinë e re.
“Nuk e di pse je shqetësuar Sali, zgjedhjet mbaruan dhe të pres në betejën tjetër të 2025, dhe do të të mund. Sa për drejtësinë jam i lumtur që mbërritëm këtë ditë që unë e ti të dalim para drejtësisë, kam përshtypjen që ti do shkosh para meje, por mezi e pres atë ditë.
Për këtë ditë kam pritur dhe shoh që sot më shumë i shqetësuar je ti sesa unë për këtë drejtësinë e re. Unë gjithë jetën kam luftuar për drejtësinë Sali. Ti në profesion je mjek, tani raporti me drejtësinë do ta shohim të dy bashkë. Sa për betejat politike jam i hapur, por sa herë të dalim në sheshbetejë do të të mund, ty dhe këdo tjetër”, tha Manja.
Lini një Përgjigje