FLASH
Shkruar nga Pamfleti
Lëvizja Bashkë e Arlind Qorit ka mundur të sigurojë në Kolegjin Zgjedhor të drejtën për tu regjistruar në zgjedhjet vendore të 14 majit. Vendimi u mor sot në seancën e mbajtur në orën 15:00 nga Kolegji Zgjedhor.
Në seancën e mbajtur në Kolegj, Lëvizja Bashkë paraqiti vendimin e formës se prerë të gjykatës që doli dje. Bazuar në këtë vendim u vendos rrëzimi i vendimit të Komisionit Qendror të Zgjedhjeve për mos regjistrimin e partisë në fjalë në zgjedhje dhe detyrimin e KQZ-së për zbatimin e këtij vendimi.
Tashmë, Qori u bashkohet zyrtarisht kandidatëve të partive të tjera në garën për Bashkinë e Tiranës. Partia Socialiste kërkon ri konfirmimin e krye bashkiakut Erion Veliaj, ndërsa Sali Berisha ka përzgjedhur Belind Këlliçin përmes procesit të Primareve, ndërsa grupi që mbështet Enkelejd Alibeajn nuk ka ende një emër.
Lini një Përgjigje