FLASH
Shkruar nga Pamfleti
Protestuesit listojnë kërkesat e reja: Asnjë kryeministër mbi dy mandate
Protestuesit e mbledhur para Kryeministrisë kanë bërë publike kërkesat e tyre të reja, të cilat u lexuan nga Dritan Goxhaj gjatë tubimit të zhvilluar në Tiranë.
Në emër të pjesëmarrësve, Goxhaj paraqiti një listë me kërkesa që, sipas organizatorëve, synojnë hapjen e një procesi të ri politik dhe institucional në vend.
Kërkesa e parë ishte dorëheqja e kryeministrit Edi Rama, ndërsa protestuesit kërkuan gjithashtu krijimin e një qeverie teknike me mandat njëvjeçar, e cila do të kishte si objektiv menaxhimin e tranzicionit politik dhe përgatitjen e reformave të nevojshme.
Mes kërkesave të tjera u përfshinë ndryshimet kushtetuese dhe rishikimi i Kodit Zgjedhor, me argumentin se sistemi aktual ka nevojë për reforma që garantojnë përfaqësim më të drejtë dhe transparencë më të madhe në proceset zgjedhore.
Protestuesit kërkuan gjithashtu kufizimin e mandatit të kryeministrit në jo më shumë se dy mandate, duke e konsideruar këtë si një masë për të shmangur përqendrimin e pushtetit në duart e një individi.
Një tjetër kërkesë ishte shfuqizimi i të ashtuquajturës “Paketë e Maleve”, ndërsa në fund u kërkua hartimi i një kontrate të re sociale mes qytetarëve dhe institucioneve të shtetit.
Lista e plotë e kërkesave të protestuesve:
1. Dorëheqjen e panegociueshme të kryeministrit dhe qeverisë.
2. Krijimin e një qeverie teknike dhe tranzitore, jopartiake dhe me mandat 12-mujor.
3. Ndryshime kushtetuese ku të gjithë shtetasit shqiptarë të jenë të barabartë përpara ligjit dhe miratimin me referendum popullor, duke përfshirë:
* ndryshimin e Kodit Zgjedhor;
* ndryshimin e ligjit për financimin e partive politike dhe organizatave të ndryshme;
* kufizimin e ushtrimit të detyrës së kryeministrit në jo më shumë se 2 mandate të plota ose të pjesshme gjatë gjithë jetës së një individi.
Nuk heqim dorë nga kërkesat fillestare:
* Anulimin e ndryshimeve të bëra për zonat e mbrojtura.
* Anulimin e ndryshimeve të bëra në ligjin për trashëgiminë kulturore.
* Shfuqizimin e paketës ligjore të njohur si “Paketa e Maleve”.
* Shfuqizimin e statusit dhe kuadrit ligjor për investimet strategjike.
* Një kontratë e re sociale mes qytetarëve dhe shtetit, që do të përpilohet pas konsultimit me intelektualë, ekspertë teknikë dhe qytetarë apartiakë të propozuar nga sheshi i protestës.
"Këto janë kërkesat tona, legjitime dhe të panegociueshme. Mbetemi të vendosur në rrugën e protestës paqësore deri në realizimin e tyre”, përfundoi fjalën e tij Goxhaj.
Ky bisht kali qe gezohet e mburret kur tregon bemat e ushtrise Ruse ne Ukraine me diket se punon per sllavet. Ju lutem mbajeni sa me larg. Shikoni videot e tij ne retrospektive e do bindeni. Ka ca dite qe ka filluar ta dredhe. Mos is ndani dylbine.
Ky Dritani ne nje emision deklsroj pse mos te mbrojme Iranin pasi musliman si ne jane.Mund ta gjeni ne ytube.
Eshte mekate te devijoj protesta. Goxha eshte bolshevik. Mos lejoni tu manipulojnë bolshevike. Ku jane njerëzit e shkencës, artit e kulturës? Ku jane gazetaret patriot qe nuk u prijne protestuesve?! Ka 23 dite qe protestuesit mbushin rrugët me protesta, pse nuk u dalin ne ndihme patriotet e vertet. Apo, do te lejoni ramitet e salehet dhe klshet e tyre joshqiptar te sundojnë e te përçajnë kete vend e kete popull? Kujt po i frigoheni? Sllavomaqedones Ëi da Nikolles?
Ky eshte nje ushtarak. Me vepra dhe korrekt.