FLASH
Shkruar nga Pamfleti
Drejtuese politike e Partisë Demokratike për diasporën, Jozefina Topalli, ndaj rezultatit të votimeve në qarkun e Fierit, ku sipas të dhënave paraprake, Partia Socialiste ka marrë 92% të votave të diasporës.
Përmes një postimi në rrjetet sociale, Topalli e ka krahasuar këtë rezultat me ato të regjimeve autokratike në botë, duke përmendur liderë si Vladimir Putin në Rusi (87%), Aleksandër Lukashenko në Bjellorusi (80%), Bashar Al-Asad në Siri (95%) dhe Kim Jong-un në Korenë e Veriut (100%).
Ajo ka nënvizuar me ironi se “Shqipëria zyrtarisht është futur në klubin e autokratëve të planetit, ku rezultati i votës është i njohur para se të mbërrijë zarfi”.
Topalli e ka cilësuar procesin si farsë zgjedhore dhe më të rëndën në tre dekadat e fundit, duke hedhur hije të forta dyshimi mbi mënyrën se si është administruar vota e emigrantëve.
Postimi i plotë:
Rezultati në Fier – 92% për pushtetin… nga diaspora!
Le të krahasojmë me disa prej “kampionëve të demokracisë” në botë:
* Putin (Rusi) – 87% në zgjedhjet e fundit
* Lukashenko (Bjellorusi) – 80%
* Asad (Siri) – 95%
* Kim Jong-un (Koreja e Veriut) – 100% (me një votë “jo”)
* Edi Rama në Fier – 92% nga diaspora
Shqipëria zyrtarisht është futur në klubin e autokratëve të planetit, ku rezultati i votës është i njohur para se të mbërrijë zarfi.
Kjo eshte farsa zgjedhore me brutale ne 3 dekada.
Lini një Përgjigje