Politike17 Maj 2024, 20:00

Skandali/ Guvernatori pa Certifikatë Sigurie; i është refuzuar 2 herë në vitin 2015 e 2020

Shkruar nga Pamfleti
Skandali/ Guvernatori pa Certifikatë Sigurie; i është refuzuar 2
Guvernatori /

Një nga hetimet për Gent Sejkon, është aktiviteti mafioz me transferta financiare jashtë Shqipërisë dhe dosjet fiktive për hua-kreditime e investime, kur ishte Zv/drejtor i Përgjithshëm i Bankës “Societe Generale Albania”, që sot është “OTP-Bank Albania”, ortakë mafiozë të Hungarisë, Rusisë e  Bjellorusisë...

Me ligj nga parlamenti dhe kritere nga organet e sigurisë kombëtare, Banka e Shtetit është klasifikuar institucion i rëndësisë së veçantë; jo vetëm si godinë, por së pari për integritetin dhe certifikimin e sigurisë personale, që  duhet të kenë punonjësit e saj të çdo niveli.

Por sipas informacionit të ardhur në “Pamfleti”, rezulton se Guvernatori i Bankës, Gent Sejko, nuk ka Certifikatë Sigurie për të ushtruar funksionin, megjithëse ligji e detyron të pajisjet para emërimit dhe dekretimit në detyrë.

Gent Sejko, i ka bërë të gjitha përpjekjet dhe pazaret e mundshme, për t’u pajisur me Certifikatë Sigurie Personale, por Drejtoria e Sigurimit të Informacionit të Klasifikuar e ka refuzuar, për shkak të mos plotësimit të kritereve ligjore.

Kërkesën e parë, Sejko e bëri me 6 janar 2015, kur u propozua për mandatin e parë Guvernator i Bankës së Shtetit, por nuk ia dhanë, duke i sqaruar arsyet, shoqëruar me një raport dërguar parlamentit, por më 6 shkurt 2015 u miratua nga  PS, PD dhe LSI duke shpërfillur raportin pengues.

Kërkesën e dytë për pajisje me Certifikatë Sigurie Personale, ai e bëri në datën 14 prill 2020 me postë, kur DASH i kërkoi Shqipërisë, që drejtuesit e lartë të institucioneve të sigurisë kombëtare, të kalonin në filtrin e integritetit dhe sigurisë penale personale.

As atëherë nuk iu dha Certifikata e Sigurisë, ndërsa më 22 shkurt 2022, parlamenti i dha Gent Sejkos, mandatin e dytë si Guvernator, me votat unanime të PS, Foltores e LSI, megjithëse kishin informacionin e refuzimit nga Drejtoria e Sigurimit të Informacionit të Klasifikuar.

Nuk e pajisin me Certifikatë Sigurie, sepse Gent Sejko është pa integritet dhe i papërshtatshëm, për të drejtuar shërbime e institucione qendrore të sigurisë kombëtare, mbasi rezulton 3 herë nën hetim në Shqipëri e nga partnerët ndërkombëtarë.

Ai është skeduar për operacione pastrimi e transferta parash të zeza, në vitet 2001-2002, kur ishte Drejtor i Tranfertave dhe Drejtor i Auditim-Përputhshmërisë në Bankën Amerikane të Shqipërisë.

Ka 1 dosje hetimore të përbashkët në Shqipëri e Austri, për aktivitetin gjatë 6 viteve në “Raiffeisen Bank” si drejtor i Auditimit të Brendshëm; Drejtor i Përgjithshëm i “Raiffeisen Leasing”; Drejtor i kreditit dhe mbikëqyrjes së menaxhimit të Aktiv-Pasiveve e Fondit të Pensioneve.

Një nga hetimet për Gent Sejkon, është aktiviteti mafioz me transferta financiare jashtë Shqipërisë dhe futje në Shqipëri, të parave të pista e fshehjes së tyre me dosje fiktive për hua-kreditime e investime, kur ishte Zv/drejtor i “Societe Generale Bank Albania”, që sot është “OTP-Bank”, ortakë mafiozë të Hungarisë, Rusisë e  Bjellorusisë.

Por megjithëse pa Certifikatë Sigurie për shkaqe penale, Gent Sejko është guvernator i Bankës së Shtetit prej 10 vitesh, dhe do qëndrojë deri në shkurt të vitit 2029, kur ai duhet shkarkuar sipas ligjit për mungesë integriteti e sigurie.

Madje duhet shkarkuar dhe për faktin, se prej 1 muaj ai është në hetim nga SPAK, lidhur me krimin e mashtrimit dhe zhvatjes së mijëra qytetarëve nëpërmjet mikro-kredive, bashkë me gruan, kunatin, 4 vartës dhe bandën “Ibro- Meskuti”./Pamfleti

gent sejko certifikatë sigurie