FLASH
Shkruar nga Pamfleti
SPAK ka sekuestruar vilën në Hamallaj, në pronësi të Erjola Hoxhës, bashkëjetueses së Arben Ahmetaj. Në këtë vilë jeton edhe ish-zv. kryeministri, aktualisht deputet socialist. Ndërkohë paraditen e sotme SPAK ka sekuestruar vilën në Palasë të ish-bashkëshortes së ish-ministrit Ahmetaj, Albina Mançka.
Gjatë kontrollit, dera e vilës në Palasë është hapur me forcë nga zjarrfikësja, pasi ishte mbyllur. Policia ka sekuestruar sende personale dhe fatura që gjendeshin brenda vilës. Veprimet e BKH-së janë kryer me mbështetje të policisë së Vlorës.
SPAK po heton rolin e ish-zv.kryeministrit për inceneratorin e Fierit. Më 9 mars, Byroja Kombëtare e Hetimit ka kryer kontrolle në shtëpinë e ish- gruas dhe partneres aktuale të Ahmetajt. Ish-zv.kryeministri, aktualisht deputet i PS-së ka ankimuar pak ditë më parë vendimin për kontrollin e banesave të ish-gruas dhe partneres së tij. Ahmetaj kërkon nga Apeli i GJKKO shpalljen të pakushtetueshëm dhe të paligjshëm të vendimit të Gjykatës së Posaçme të Shkallës së Parë.
Lini një Përgjigje