FLASH
Shkruar nga Pamfleti
Në 9 nëntor do të mbahen zgjedhjet e pjesshme në 5 bashki, ku qytetarët do të votojnë për zgjedhjen e kryebashkiakëve të rinj.
Në këtë garë, opozita e drejtuar nga Partia Demokratike do të mbështesë 5 emra që i përkasin shoqërisë civile, ndërsa në 2 nga 5 bashkitë do të garojnë nga 3 kandidatura.
Tashmë që është mbullur faza e regjistrimit të kandidatëve, në të 5 Bashkitë (Vlorë, Berat, Tepelenë, Mat dhe Cërrik) janë në garë 12 emra.
Socialistët e Edi Ramës kanë zgjedhur që në 9 nëntor të përfaqësohen në të 5 bashkitë nga emra që i përkasin forcës së tyre politike. Në të gjitha bashkitë ku do të mbahen zgjedhjet, me përjashtim të Vlorës ku kryetari u dorëhoq, në të tjerat kryebashkiakët u kandiduan nga Edi Rama për deputet në zgjedhjet e 11 majit, ccka solli edhe largimin e tyre nga funksioni që mbanin.
Zgjedhjet e 9 nëntorit mund të konsiderohen si një lloj testi për formulën që opozita zgjodhi të garojë në zgjedhje, duke shmangur në këtë mënyrë emra nga rradhët e saj, ndërsa mbështeti kandidatura të shpallura si të pavarur.
Në dy bashkitë ku ka nga 3 kandidatë, bie në sy fakti se në Cërrik, ‘Shqipëria Bëhet’ garon me një emër të zgjedhur prej saj, ndërsa në Mat, kandidatja e 3-të është Suzana Pasha, një prej drejtueseve lokale të PS-së, e cila deklaroi garimin si e pavarur pasi socialistët e Ramës zgjodhën si kandidat zyrtar Altin Bojnin.
Kanë depozituar dokumetacion kandidimi:
1.Bashkia Vlorë, propozuar nga zgjedhësit z. Dionis Sota;
2.Bashkia Vlorë, propozuar nga Partia Socialiste zj. Brunilda Mersini;
3.Bashkia Berat, propozuar nga zgjedhësit Pavlo Shkarpa;
4.Bashkia Berat propozuar nga Partia Socialiste z. Ervin Ceca;
5.Bashkia Cërrik, propozuar nga Partia Socialiste z. Florenc Doka;
6.Bashkia Cërrik, Partia “Lëvizja Shqipëria Bëhet” z. Eligert Hima;
7.Bashkia Cërrik, propozuar nga zgjedhësit Amarildo Hoxha;
8.Bashkia Mat, propozuar nga Partia Socialiste z. Altin Bojni;
9.Bashkia Mat, propozuar nga zgjedhësit z. Eduart Brahilika;
10.Bashkia Mat, propozuar nga zgjedhësit zj. Suzana Pasha;
11.Bashkia Tepelenë, propozuar nga zgjedhësit, z. Gabriel Guma;
12.Bashkia Tepelenë, propozuar nga Partia Socialiste z. Gramoz Sako;
Lini një Përgjigje