FLASH
Shkruar nga Pamfleti
Ambasadori amerikan në Kosovë, Jeffrey Hovenier është shprehur se SHBA dënon ashpër veprimet e dhunshme të protestuesve serb sot në Zveçan, ku u përdorën dhe lëndë plasëse ndaj KFOR-it.
“SHBA dënon ashpër veprimet e dhunshme të protestuesve sot në Zveçan, duke përfshirë përdorimin e eksplozivëve, kundër KFOR, trupat që kërkojnë të ruajnë paqen. Ne përsërisim thirrjen tonë për një ndalim të menjëhershëm të dhunës ose veprimeve që ndezin tensionet ose nxisin konfliktin”, shkroi ai në Twitter.
The U.S. strongly condemns the violent actions of protesters in Zvecan today, including the use of explosives, against @NATO_KFOR troops seeking to keep the peace. We reiterate our call for an immediate halt to violence or actions that inflame tensions or promote conflict.
— Ambassador Jeff Hovenier (@USAmbKosovo) May 29, 2023
Trupat e misionit paqeruajtës të NATO-s në Kosovë, KFOR, kanë nisur të shpërndajnë protestuesit serbë që gjenden pranë ndërtesës së komunës së Zveçanit.
Që nga mëngjesi i 29 majit, grupe të serbëve kanë protestuar në Zveçan, Zubin Potok dhe Leposaviç. Trupat e KFOR-it po përdorin shok-bomba për të shpërndarë protestuesit, të cilët po hedhin sende të forta në drejtim të tyre.
Lini një Përgjigje