FLASH
Shkruar nga Pamfleti
Audienca më e interesuar e seancës së sotme plenare në Tiranë, ishte Kosova.
Të gjithë atje po ndiqnin me vëmendje turpin që e skuqte nga anët tona.
Kosova u kthye sot në mollë sherri mes palëve në Kuvend.
Të gjithë ziheshin se kush e donte më shumë Kosovën.
E donte ai që theu embargon me Millosheviçin, apo e donin këta të këtij të gjatit që mungonte, që siç tha ai gazetari i famshëm është bërë Kryeministri më i mirë i Serbisë prej kohës së Pashiçit.
Edhe pse Konferenca e Kryetarëve një ditë më parë vendosi që më 12 Tetor të diskutohej gjithçka lidhur me Kosovën, përfshirë dhe rezolutën, këta sot ziheshin pse e lanë aq vonë këtë punë.
Kur Berisha-Bardhi me të vetët, dhe Balla-Çuçi me të vetët ziheshin se kush po e mbronte dhe po e dëmtonte Kosovën, Jorida Tabaku e Kreshnik Çollaku treguan se po i shkruanin kolegët nga Kosova, se çfarë është ky turp që po u vinte nga Shqipëria.
Heshtni më mirë more njerëz, se është e vetmja formë që ju të jeni të dobishëm.
Në fakt, forma më optimale do ishte mos-ekzistenca juaj, por meqë jeni, heshtni të paktën!/Pamfleti
Lini një Përgjigje