
Gjermania e ka cilësuar liberalizimin e vizave për Kosovën si hap tjetër të rëndësishëm që i afron njerëzit në Europë.
Zyra e Jashtme Gjermane ka shkruar në rrjetin social 'X', se liberalizimi i vizave për Kosovën, më në fund u mundëson të gjithë qytetarëve kosovarë të udhëtojnë pa viza për qëndrime të shkurtra në BE, konkretisht zonën Shengen.
Liberalizimin e vizave e ka komentuar edhe Ambasadori i Gjermanisë në Kosovë, Jorn Rohde. Ai shkruan në rrjetet sociale se më në fund dhe pse me vonesë, ndodhi liberalizimi i vizave për Kosovën.
“Pikërisht në kohë për të ndjekur disa nga ndeshjet e ardhshme EURO2024 në Gjermani”, ka shkruar ai.
Lini një Përgjigje