FLASH
Shkruar nga Pamfleti
Milan Radoiçiç, biznesmeni kontrovers, i cili dyshohet se është organizator i konfliktit të armatosur në Banjska të Kosovës, është arrestuar sot. Ai është dërguar në Pallatin e Drejtësisë, ku ndodhet Prokuroria e Lartë Publike dhe pritet të paraqesë mbrojtjen e tij për konfliktin e armatosur në Banjskë.
Ministria e Punëve të Brendshme më herët ka njoftuar se Radoiçiçit i është hequr liria dhe se i është caktuar masa e ndalimit deri në 48 orë.
Siç thuhet, i është bërë kontrolli i banesës dhe lokalit, pas së cilës është dërguar për t'u marrë në pyetje në objektin e Prokurorisë së Lartë Publike, ku ndodhet aktualisht.
Seanca ka filluar dhe supozohet se Radoiçiç do të merret në pyetje për rrethanat e konfliktit të armatosur në Banjskë, ku humbën jetën katër persona.
Po ashtu, ende nuk dihet se për cilin krim po dëgjohet dhe supozohet se të gjitha informacionet do të dihen pas seancës.
Kujtojmë se Radoiçiç të premten përmes avokatit të tij Goran Petronijeviç ka marrë përgjegjësinë për konfliktin e armatosur në fshatin Banjskë, ndërsa të nesërmen është marrë në pyetje në polici si qytetar.
Lini një Përgjigje