FLASH
Shkruar nga Pamfleti
Pas udhëtimit me 4 diplomatët europianë dhe amerikanë, emisari i BE-së për dialogun Kosovë–Serbi, Miroslav Lajçak ka shkruar në rrjetin social X se kanë biseduar me kryeministrin e Kosovës, Albin Kurtin dhe presidentin serb, Aleksandër Vuçiç për situatën mes dy vendeve.
Lajçak thotë se sëbashku e 4 emisarët e tjerë kanë theksuar rëndësinë për hetimin e sulmit në Veri dhe kanë bërë thirrje për një normalizim të situatës që është shumë i nevojshëm dhe urgjent.
Miroslav Lajcak më tej thotë se presin nga Kosova dhe Serbia që të implementojnë plotësisht obligimet e dialogut.
“Udhëtuam me Plotner, Escobar, Bone dhe Cattaneo për diskutime të rëndësishme dhe thelbësore me kryeministrin Albin Kurti dhe presidentin e Serbise. Ne theksuam se 24/9 [sulmi i Banjskës] duhet të hetohet plotësisht dhe se de-përshkallëzimi dhe normalizimi janë urgjentisht të nevojshëm. Ne presim që të dy të përmbushin plotësisht detyrimet e tyre të Dialogut”, ka shkruar Lajçak.
Travelled with ???????????????????????????????? for important and substantive discussions with PM @albinkurti and @predsednikrs. We stressed that 24/9 must be fully investigated and that de-escalation and normalisation are urgently needed. We expect both to fully meet their Dialogue obligations. pic.twitter.com/w4r7YESTwi
— Miroslav Lajčák (@MiroslavLajcak) October 21, 2023
Lajçak po ashtu ka paralajmëruar se për takimet e së shtunës do të njoftohen shtetet anëtare të BE-së dhe se kjo çështje do të diskutohet edhe në Këshillin e BE-së.
Lini një Përgjigje