FLASH
Shkruar nga Pamfleti
Mimoza Ahmeti është shpallur e preferuara e publikut në mbrëmjen e fundit të “Ferma VIP 3”, duke u kthyer menjëherë në një nga personazhet më të komentuara të momentit.
Prania e saj në reality show ka tërhequr vëmendje të madhe, ndërsa në rrjetet sociale emri i saj ka dominuar diskutimet, duke e kthyer në një fenomen viral në vetëm pak ditë.
Këngëtari Frederik Ndoci, ish-konkurrent i “Ferma VIP 2”, e vlerësoi Ahmetin si një figurë të spikatur që prej viteve ’90. I ftuar në emisionin “Living Day”, ai theksoi se personaliteti i saj i drejtpërdrejtë dhe pa komplekse është ajo që e bën të veçantë.
“Moza Ahmeti ka qenë personalitet që prej viteve ’90… Më ka befasuar me mënyrën e shfaqjes së saj pa drojtje”, u shpreh Ndoci.
Ai shtoi se figura e saj është e rëndësishme për shoqërinë, sidomos për gratë.
“I duhet shoqërisë për të ecur përpara, sidomos femrave”, tha ai.
Ndërkohë, Ndoci ndau edhe eksperiencën e tij në edicionin e mëparshëm të reality show-t, duke pranuar se shpesh ka qenë i rezervuar për shkak të reagimeve të konkurrentëve të tjerë.
Lini një Përgjigje