FLASH
Shkruar nga Pamfleti
Ish-konkurrentja e “Për’puthen”, Melisa Lleshi, ka zgjedhur të flasë hapur për periudhat më të vështira të jetës së saj në një intervistë të fundit në emisionin “S’e Luan Topi”.
Gjatë bisedës, ajo ndau përvojat e fëmijërisë, duke përfshirë edhe ngacmimet seksuale, që kanë lënë gjurmë të thella në gjendjen e saj emocionale ndër vite. Melisa pranoi se përballja me këto trauma ka qenë e vështirë dhe kërkonte shumë forcë dhe punë me veten.
Ajo rrëfeu gjithashtu pasojat e famës pas daljes nga reality-show:
“Isha në fazat e para të depresionit dhe kam kaluar gjëra që nuk dua t’i ndaj me të tjerët. Ishte një ngarkesë shumë e madhe dhe unë nuk isha e përgatitur, nuk isha gati ta përballoja.”
Megjithatë, Melisa theksoi rëndësinë e ndihmës profesionale dhe përkushtimit ndaj vetes:
“Kam marrë ndihmë profesionale, kam punuar dhe vazhdoj të punoj me veten time. Është një proces që kërkon kohë, por është shumë i nevojshëm.”
Intervista e saj reflekton hapësinë që ka për të hapur debat për shëndetin mendor dhe mënyrën se si fama mund të ndikojë tek individët, duke nxjerrë në pah sfidat që shpesh mbeten të fshehura pas kamerave.
Lini një Përgjigje