FLASH
Shkruar nga Pamfleti
Sfida e fundit e organizuar nga Big Brother VIP Albania për të testuar njohuritë e përgjithshme të banorëve është shndërruar në një moment viral në rrjetet sociale. Përgjigjet e dhëna nga banorët janë përtej injorancës. Nuk flitet për pyetje që duhet të kesh patjetër njohur e kulturë, por edhe për gjëra mëse të zakonshme.
Përgjigjet e tyre, shpesh të pasakta dhe të papritura, kanë bërë xhiron e rrjetit, duke u komentuar gjerësisht nga ndjekësit e formatit.
Gafat më të komentuara të banorëve
Selin Bollati “nëna e gafave”, tha se një shekull ka 15 vite, ndërsa për traditën e hedhjes së diçkaje mbi të sapomartuarit për prosperitet u përgjigj banane. Për emrin e vërtetë të Nënë Tereza ajo përmendi “Agnesë Tereza” ose “Anjezë Tereza”. Selin shtoi gjithashtu se ylberi ka 8 ngjyra, ndërsa për shpalljen e pavarësisë së Kosova tha: “Sa bëri, 14 më duket?”. Për poemën Lahuta e Malcís ajo përmendi si autor Migjeni, ndërsa kur u pyet se në cilin kontinent ndodhet Egjipti nuk dha përgjigje. Sipas saj, horoskopi ka 9 shenja, ndërsa për romanin “Gjenerali i Ushtrisë së Vdekur” tha se nuk e dinte autorin.
DJ Gimbo pati disa momente konfuzioni. Kur u pyet për shenjat e horoskopit, ai tha fillimisht 6, më pas 8, për t’u ndalur te “6-7-8”. Për emrin e vërtetë të Nënë Tereza u përgjigj: “Nëna Terezë i kam thënë gjithmonë”. Ndërsa për pavarësinë e Kosovës përmendi datën 17 shkurt 2007 ose 2009.
Nikol u shpreh se një shekull ka 10 vite dhe se mali më i lartë në Shqipëria është Mali i Dajtit. Ajo tha gjithashtu se Shtetet e Bashkuara të Amerikës kanë 27 shtete, ndërsa për autorin e “Iliada dhe Odisea” përmendi William Shakespeare.
Nga ana tjetër, Brikena për emrin e vërtetë të Nënë Terezës u shpreh “Kalkuta diçka…”, ndërsa tha se njësia monetare e Anglia është dollari, duke shtuar se ishte rritur në Itali. Ajo gjithashtu nuk e dinte se cila ditë njihet si “dita e gënjeshtrave”.
Mateo tha se ylberi ka 12 ngjyra, ndërsa nuk dha përgjigje për emrin e vërtetë të Nënë Terezës. Për lumin më të gjatë në Shqipëri ai përmendi Vjosa, ndërsa për instrumentin tradicional të përfshirë në listën e UNESCO tha “flauti”.
Një nga përgjigjet më humoristike erdhi nga Rogerti, i cili për pyetjen se në cilin qytet ndodhet muzeu Muzeu i Luvrit u përgjigj: “Gjirokastra.”
Juela nuk e dinte autorin e romanit “Gjenerali i Ushtrisë së Vdekur”, ndërsa për emrin e vërtetë të Nënë Tereza tha “Gonxhe Gajdexhiu”.
Ndërkohë Miri u përgjigj “Maria Tereza” e përsa i përket kryeqytetit të Japonisë tha ‘Osaka’.
Mali nuk dha përgjigje për malin më të lartë në Shqipëri,
Shendriti tha se Egjipti ndodhet në Azi,
ndërsa Artani u përgjigj se planeti i kuq është Saturni.
Edhe Edisa pati disa përgjigje të pasakta, duke thënë se lumi më i gjatë në Shqipëri është Erzeni, ndërsa pavarësia e Kosova është shpallur në vitin 2015.
Lini një Përgjigje