FLASH
Shkruar nga Pamfleti
Dinamikat brenda shtëpisë së “Big Brother VIP” vijojnë të prodhojnë jo vetëm situata të forta brenda lojës, por edhe reagime të shumta jashtë saj.
Së fundmi, në qendër të kritikave është vendosur Dj Gimbo, pasi një veprim i tij, ku shihej duke imituar dhe tallur mimikat e fytyrës së Brikenës, është interpretuar nga publiku si i papërshtatshëm.
Videoja ka qarkulluar gjerësisht në rrjetet sociale, duke nxitur reagime negative dhe diskutime të shumta.
Përballë situatës që mori përmasa të mëdha, familjarët e Dj Gimbos, të cilët menaxhojnë llogarinë e tij në rrjete sociale, kanë reaguar përmes një deklarate publike në Instastory, duke kërkuar ndjesë.
“Si familja e Gimbos, kërkojmë falje nëse imitimi me mimika ndaj Brikenës është kuptuar keq apo ka lënduar atë dhe familjen e saj. Besojmë që nuk ka qenë qëllimi i tij të ofendojë apo të nënçmojë askënd,” thuhet në reagim.
Në vijim, ata theksojnë se respekti ndaj çdo individi dhe familjeje mbetet një vlerë thelbësore për ta, duke e mbyllur mesazhin me një falje të sinqertë.
Ngjarja ka rikthyer edhe një herë në vëmendje debatin mbi kufijtë e humorit dhe sjelljes brenda formateve televizive, sidomos kur ato transmetohen për një audiencë të gjerë.
Lini një Përgjigje