FLASH
Shkruar nga Pamfleti
Gruaja e akuzuar për të shtënat me armë zjarri drejt shtëpisë së këngëtares Rihanna, Ivana Lisette Ortiz, kishte publikuar më herët mesazhe të çuditshme dhe shqetësuese në internet, vetëm pak javë para incidentit.
Sipas raportimeve, në muajt para ngjarjes, Ortiz kishte publikuar video në kanalin e saj në YouTube, ku shpërndante klipe të përditshme të titulluara “Ditari i një gruaje që lutet”. Në një prej videove të publikuara dy muaj më parë, ajo iu drejtua këngëtares me një deklaratë të frikshme:
“Rihanna, kur të vdesësh, Zoti do të më udhëzojë drejt të ardhmes sime”, u shpreh ajo.
Në të njëjtën video, Ortiz vazhdonte me akuza dhe deklarata të pakuptimta, duke e quajtur këngëtaren “shtrigë” dhe duke pretenduar se ishte “roja” e saj.
Në një tjetër video, ajo pretendonte se Rihanna ishte “shumë xheloze”, ndërsa shtonte se fytyra e saj ishte “e djallit”. Ortiz gjithashtu e akuzonte artisten se përdorte muzikën për të “praktikuar magji” dhe u bënte thirrje ndjekësve të mos e dëgjonin dhe të mos e ndiqnin.
Në postimet e saj, ajo shprehte zemërim edhe ndaj figurave të tjera të njohura, përfshirë Kim Kardashian, të cilën e quante “budallaqe”.
Ngjarja ndodhi të dielën në Beverly Hills, ku shtëpia e Rihannës u bë objekt i të shtënave me armë ndërsa këngëtarja ndodhej brenda.
Sipas raportit të policisë, Ortiz qëlloi disa herë nga makina e saj drejt adresës së këngëtares, por fatmirësisht askush nuk mbeti i lënduar. Ajo u arrestua nga autoritetet dhe u akuzua për tentativë vrasjeje.
Lini një Përgjigje