FLASH
Shkruar nga Pamfleti
Përshkallëzimi i konfliktit mes Shteteve të Bashkuara dhe Iranit në zonën e Ngushticës së Hormuzit ka sjellë sulme reciproke ushtarake, viktima, tensione në të gjithë rajonin dhe rritje të çmimeve të naftës në tregjet ndërkombëtare.
Lindja e Mesme po hyn në një fazë të re përshkallëzimi, pasi Shtetet e Bashkuara kanë ndërmarrë sulme ndaj objekteve ushtarake iraniane në afërsi të Ngushticës së Hormuzit, ndërsa Irani është kundërpërgjigjur me sulme ndaj objektivave amerikane në rajon dhe ndaj anijeve tregtare.
Sipas "Al Jazeera", forcat amerikane bombarduan në orët e para të së hënës një sërë objektivash në qytetet Bandar Abbas, Sirik dhe Jask, si edhe në zonën e Bushehrit, përgjatë brigjeve të Gjirit Persik. Këto zona konsiderohen strategjike për kontrollin e Ngushticës së Hormuzit dhe strehojnë stacione radarësh dhe instalime ushtarake iraniane.
BREAKING: Fresh, massive strikes reported near Bandar Abbas, Iran.
— سيف الدرعي| Saif alderei (@saif_aldareei) July 12, 2026
Multiple explosions are rocking Iran’s most critical naval port on the Strait of Hormuz right now. The pressure on the IRGC isn't stopping. pic.twitter.com/Mp3BOUQXaI
Komanda Qendrore e SHBA-së (CENTCOM) deklaroi se forcat e Gardës Revolucionare Iraniane kishin hapur zjarr ndaj anijeve tregtare që kalonin nëpër Ngushticën e Hormuzit. Sipas saj, avionët amerikanë rrëzuan një raketë iraniane lundruese dhe një dron vetëvrasës.
Në përgjigje, Irani njoftoi se nisi sulme "në shkallë të gjerë" me raketa balistike dhe dronë kundër "bazave armike" në Lindjen e Mesme.
Salvo of Iranian short-range ballistic missiles fired from Jam towards US forces in Bahrain just a few moments ago. pic.twitter.com/FxkGGeMCK3
— OSINTtechnical (@Osinttechnical) July 13, 2026
Sirena alarmi u dëgjuan në Bahrein, ku ndodhet selia e Flotës së Pestë të SHBA-së, si edhe në Jordani, ku Irani kishte goditur edhe një ditë më parë një bazë ku operojnë dronët amerikanë të mbikëqyrjes MQ-9. Për arsye sigurie, autoritetet jordaneze mbyllën përkohësisht aeroportin e Amanit.
Të paktën një viktimë në Iran
Sipas agjencisë shtetërore iraniane IRNA, të paktën një person humbi jetën dhe katër të tjerë mbetën të plagosur nga një bombardim amerikan në qytetin Masar, në jugperëndim të Iranit.
Autoritetet iraniane deklaruan se sulmi goditi një stacion pompimi për ujitjen e tokave bujqësore.
Ndërkohë, sipas informacioneve të cituara nga media ndërkombëtare, një nga objektivat e sulmeve amerikane ishte një komandant i lartë i Gardës Revolucionare, i cili thuhet se u vra brenda një qendre nëntokësore komanduese.
Nafta shtrenjtohet
Tregjet reaguan menjëherë ndaj zhvillimeve. Në orët e para të së hënës, çmimi i naftës Brent për dorëzim në shtator u rrit me 3,75%, duke arritur në 78,86 dollarë për fuçi, ndërsa nafta amerikane WTI u rrit me 3,65%, në 74,02 dollarë për fuçi.
Sipas analizës së "Al Jazeera", nëse përshkallëzimi vazhdon, çmimi i naftës mund të kalojë sërish nivelin e 80 dollarëve për fuçi, për shkak të rrezikut që konflikti paraqet për furnizimin global nga rajoni i Gjirit.
CENTCOM: Qëllimi është mbrojtja e lundrimit të lirë
Në një deklaratë zyrtare, CENTCOM bëri të ditur se, me urdhër të presidentit amerikan Donald Trump, forcat amerikane nisën sulme të reja ndaj Iranit me qëllim kufizimin e aftësisë së Teheranit për të sulmuar marinarët civilë dhe anijet tregtare që kalojnë lirshëm në Ngushticën e Hormuzit.
Sipas deklaratës, presidenti amerikan urdhëroi operacionin për të mbajtur përgjegjëse forcat iraniane për veprimet e tyre.
At 5 p.m. ET today, U.S. Central Command forces began launching more strikes against Iran to continue degrading their ability to attack civilian mariners and commercial ships freely transiting the Strait of Hormuz. The Commander in Chief has directed the strikes to hold Iranian…
— U.S. Central Command (@CENTCOM) July 12, 2026
Irani akuzon SHBA-në për sabotimin e përpjekjeve diplomatike
Ministria e Jashtme e Iranit dënoi ashpër sulmet amerikane, duke akuzuar Uashingtonin se ka shkatërruar përpjekjet e muajve të fundit për rikthimin e stabilitetit në Lindjen e Mesme.
Teherani pretendon se SHBA ka shkelur marrëveshjet e arritura gjatë bisedimeve dhe ka penguar, përmes presioneve të hapura dhe të fshehta ndaj Omanit, arritjen e një marrëveshjeje për administrimin e situatës në Ngushticën e Hormuzit.
Autoritetet iraniane hodhën poshtë edhe deklaratat e Donald Trump, i cili kishte pretenduar se Irani kishte pranuar një marrëveshje, por më pas kishte sulmuar një anije me dron vetëm pak orë më vonë.
Kujtohet se operacionet ushtarake amerikane kundër Iranit nisën javën e kaluar. Irani u kundërpërgjigj të dielën me mbylljen e Ngushticës së Hormuzit dhe me sulme me raketa balistike ndaj pozicioneve amerikane në Lindjen e Mesme.
Më herët, forcat iraniane kishin sulmuar edhe një anije tregtare me flamur qipriot, duke pretenduar se ajo kishte ndjekur një itinerar "të paautorizuar" në Ngushticën e Hormuzit. Si pasojë e sulmit, një marinar indian rezulton i zhdukur.
Lini një Përgjigje