FLASH
Shkruar nga Pamfleti
Arbër Hoxha realizoi golin e vetëm për Kombëtaren shqiptare në ndeshjen e “play-off”-it përballë Polonisë, sfidë që u fitua nga vendasit me rezultatin 2-1. Megjithëse goli i tij nuk ndikoi në rezultatin përfundimtar, paraqitja duket se ka rritur interesin për sulmuesin kuqezi në tregun e transferimeve.
Mediat polake raportojnë për një lëvizje të mundshme të Hoxhës drejt skuadrës së Uidzju Lodz. Sipas “meczyki.pl”, skuadra polake, ku aktivizohet edhe mesfushori shqiptar Juljan Shehu, është e gatshme të investojë një shumë të konsiderueshme për të siguruar shërbimet e tij.
I njëjti burim e cilëson këtë si një “transferim të jashtëzakonshëm”, duke theksuar edhe kontributin e Hoxhës me gola dhe asiste te Dinamo e Zagrebit, ekip ku ai luan aktualisht.
Raportohet se kontaktet mes dy klubeve kanë nisur dhe Uidzju Lodz është gati të ofrojë rreth 5 milionë euro. Vendimi përfundimtar mbetet në dorën e Dinamos së Zagrebit, e cila pritet të vlerësojë ofertën në ditët në vijim.
Lini një Përgjigje