FLASH
Shkruar nga Pamfleti
Basketbollisti rus Daniil Kasatkin u arrestua në Francë me akuzën e hakimit. Ai ishte shpallur në kërkim nga Shtetet e Bashkuara të Amerikës, të cilat besojnë se Kasatkin negocioi pagesa për një rrjet ransomëare që hakoi rreth 900 kompani dhe dy entitete qeveritare federale në SHBA, duke kërkuar para për t'i dhënë fund sulmeve të tyre, sipas një raporti nga AFP.
Kasatkin, i cili u arrestua më 21 qershor, i mohon akuzat.
Avokati i tij, Frédéric Bélot tha se Kasatkin është një “viktimë anësore e atij krimi” sepse bleu një kompjuter të dorës së dytë me programe keqdashëse.
“Ai nuk është njeri i kompjuterëve”, tha Bélot, duke shtuar se ai nuk vuri re ndonjë sjellje të çuditshme në kompjuter sepse nuk e di se si funksionojnë kompjuterët.
Një gjykatë franceze refuzoi lirimin me kusht të Kasatkin të mërkurën dhe ai mbetet në burg duke pritur njoftimin zyrtar të ekstradimit nga autoritetet amerikane, sipas Bélot.
Kasatkin kishte udhëtuar për në Francë për të vizituar Parisin me të fejuarën e tij dhe u ndalua menjëherë pasi mbërriti në aeroport.
Ai luajti basketboll universitar për një kohë të shkurtër në Penn State, pastaj katër sezone për ekipin MBA-MAI me qendër në Moskë. Bélot tha se gjendja fizike e Kasatkin është përkeqësuar në burg, gjë që ai argumentoi se po dëmton karrierën e tij atletike.
Lini një Përgjigje