FLASH
Shkruar nga Pamfleti
Përfundon derbi i kryeqytetit që mbyll edhe javën e 33 të Abissnet Superiore. Tirana dhe Partizani kanë dhuruar spektakël. Ndeshja e luajtur në “Air Albania” është mbyllur në barazim 1-1.
Të Kuqtë zhbllokuan ndeshjen në minutën e 53. Pas një kombinimi në zonë Mba-Da Silva, braziliani gjuajti bukur dhe mposhti portierin Bekaj.
4 minuta më vonë u përsëritën sërish skenat e turpshme të gjuajtjeve me fishekzjarrë të portierëve, këtë herë u godit portieri i Partizanit, Rexhepi.
Në minutën e 80, Deliu barazoi shifrat për Tiranën. Ai lëshoi një gjuajtje të pakapshme nga jashtë zonës.
Me këtë barazim, Tirana mban e vetme vendin e parë me 60 pikë, ndërsa ndiqet nga Partizani në vendin e dytë me 58 pikë.
Dy ekipet do të rivalizojnë deri në javën e fundit të Abissnet Superiore për titullin kampion.
Kujtojmë se ditën e sotme në orën 15:00 u luajtën 4 takimet e tjera të javës së 33, ku u arritën këto rezultate:
1-Erzeni 1-2 Bylis
2-Kukësi 3-0 Laçi
3-Kastrioti 1-0 Egnatia
4-Vllaznia 1-0 Teuta
Lini një Përgjigje