FLASH
Shkruar nga Pamfleti
Vogëlushi shqiptar nga Kosova, Luan Hasani, po fiton gjithnjë e më shumë popullaritet në rrjetet sociale. Ndonëse është vetëm 2 vjeç, ai numëron rreth 445 mijë ndjekës në Instagram, ku publikon video që tregojnë aftësitë e tij me topin në këmbë.
Luani ka tërhequr vëmendjen e mijëra përdoruesve falë golave dhe lëvizjeve të tij në porta të vogla, duke u bërë një nga fëmijët më të ndjekur shqiptarë në këtë platformë.
Së fundmi, një moment i veçantë ka shënuar rrugëtimin e tij në rrjetet sociale. Ylli portugez i futbollit, Kristiano Ronaldo, ka nisur ta ndjekë vogëlushin në Instagram. Ky veprim është pritur me entuziazëm nga familja e Luanit, e cila e ka ndarë lajmin me ndjekësit përmes një postimi në rrjetet sociale.
Ndërkohë, Ronaldo vazhdon të jetë një nga figurat më të spikatura të futbollit botëror. Portugezi po merr pjesë në Botërorin e gjashtë të karrierës së tij dhe synon të arrijë një tjetër sukses historik me kombëtaren e Portugalisë, e cila ende nuk ka arritur të fitojë trofeun më prestigjioz të futbollit botëror.
View this post on Instagram
Lini një Përgjigje