FLASH
Shkruar nga Pamfleti
Sipas raportimeve të fundit, trajneri i kombëtares së Portugalisë, Roberto Martinez, ka nisur bisedimet me klubin saudit Al Nassr për të marrë drejtimin e skuadrës në të ardhmen.
Mediat raportojnë se kontaktet mes palëve kanë filluar përpara startit zyrtar të turneut, një zhvillim që ka shkaktuar reagime të forta në opinionin publik dhe mes tifozëve portugezë.
Një pjesë e mbështetësve të kombëtares kanë shprehur pakënaqësi ndaj trajnerit, duke ngritur dyshime se negociatat me Al Nassr mund të kenë ndikuar në vendimet e tij teknike gjatë turneut. Në veçanti, kritikët pretendojnë se Kristiano Ronaldo ka vijuar të jetë zgjedhje e padiskutueshme në formacionin titullar, pavarësisht diskutimeve për paraqitjet e tij në fushë.
Sipas këtyre pretendimeve, Martinez mund të jetë duke ruajtur një raport të mirë me sulmuesin portugez, i cili aktivizohet te Al Nassr dhe pritet të mbetet figura kryesore e skuadrës saudite edhe në sezonet e ardhshme.
Megjithatë, deri më tani nuk ka prova që lidhin drejtpërdrejt vendimet e trajnerit me negociatat e raportuara për një kalim të mundshëm te klubi arab. Ndërkohë, presioni mbi stafin teknik mbetet i lartë, ndërsa Portugalia vijon përgatitjet dhe përqendrimin në objektivat e saj në turne.
Lini një Përgjigje