Sport30 Mars 2023, 11:17

Hidhet shorti i Kupës së Shqipërisë, mësohen përballjet gjysmëfinale!

Shkruar nga Pamfleti

Hidhet shorti i Kupës së Shqipërisë, mësohen

Në ambientet e stadiumit "Air Albania", Federata Shqiptare e Futbollit hodhi shortin për fazën gjysmëfinale të Kupës së Shqipërisë 2022/2023. Janë zbardhur edhe ndeshjet e mësipërme. Përballjet e para për gjysmëfinalet do luhen në 26 prill dhe ndeshjet e kthimit në 11 maj.

Në bazë të rezultatit të këtyre ndeshjeve, do përcaktohen edhe dy skuadrat finaliste që do përballen në finalen e madhe të 1 qershorit në "Air Albania".

Vllaznia vjen në këtë fazë pasi ka fituar në dy edicionet e fundit trofeun e Kupës së Shqipërisë, ndërsa në total numëron 8 kupa të fituara. Gjysmëfinalistja tjetër Tirana mban edhe titullin, duke u shpallur 16 herë fituese e Kupës së Shqipërisë, kurse Teuta e ka fituar 4 herë Kupën. Egnatia është e vetmja nga katër gjysmëfinalistet që nuk e ka fituar asnjëherë më parë këtë trofe.

Kupa e Shqipërisë, ndeshjet gjysmëfinale:

26 prill ndeshjet e para

Vllaznia - Egnatia

Tirana - Teuta

11 maj ndeshjet e kthimit

Egnatia - Vllaznia

Teuta - Tirana

shqiperi vllaznia tirana teuta egnatia gjysemfinale