FLASH
Shkruar nga Pamfleti
PSG-ja dhe Interi do të përballen më 31 maj në finalen e madhe të Mynihut ku njëra prej skuadrave do të ngrejë lart trofeun me veshë të mëdhenj. Parizienët nuk e kanë fituar kurrë dhe e kërkojnë Championsin për herë të parë, ndërsa zikaltërit e duan për herë të katërt.
Komiteti i Gjyqtarëve të UEFA-s ka shpallur sot gjyqtarët që do të vendosin drejtësi në këtë supersfidë.
Rumuni Istvan Kovaks do të jetë arbitri kryesor dhe do të drejtojë finalen e tij të tretë të një kompeticioni për klube në UEFA, pasi ka arbitruar finalen e Ligës së Europës në vitin 2024 mes Atalantës dhe Bajer Leverkusenit në Dublin të Republikës së Irlandës, dhe finalen e Ligës së Konferencës UEFA në vitin 2022 mes Romës dhe Fejenordit në Tiranë, që pa kryeqytetasit të triumfonin ndaj holandezëve, kurse në 2024 ishte një finale ku triumfoi shqiptari i Atalantës, Berat Gjimshiti, ndaj "Aspirinave".
Këtë sezon ai ka arbitruar shtatë ndeshje të Ligës së Kampioneve, përfshirë ndeshjen e dytë të raundit të 16-tave midis Liverpulit dhe PSG-së.
Romania's István Kovács will referee the 2025 UEFA Champions League final between Paris and Inter on Saturday 31 May.#UCL
— UEFA Champions League (@ChampionsLeague) May 12, 2025
Lini një Përgjigje