FLASH
Shkruar nga Pamfleti
Lara Colturi e nisi garën e Slalomit në Cortina me kohën e shtatë më të shpejtë në lëshimin e parë, duke siguruar kalimin në raundin final.
Skiatorja shqiptare zbriti e para në pistë në garën që mbyll programin e Lojërave Olimpike Dimërore për ekipin kuqezi. Ajo e përfundoi provën e parë në vendin e shtatë, rezultat që e mban në garë për pozicionet e para përpara lëshimit të dytë.
Slalomi mbetet disiplina ku Colturi ka arritur rezultatet më të mira edhe në Kupën e Botës. Ajo ka regjistruar katër podiume, me dy vende të dyta dhe dy të treta, duke e renditur mes sportisteve konkurruese edhe në këtë aktivitet olimpik.
Lëshimi vendimtar zhvillohet në orën 13:30.
Në të njëjtën disiplinë garojnë edhe Semire Dauti dhe Lisa Brunga. Të dyja e nisin nga pozicione të pasme dhe synojnë të fitojnë përvojë në këtë edicion, duke qenë 17 dhe 18 vjeçe. Rezultati i tyre shihet si hap në ndërtimin e karrierës sportive.
Lini një Përgjigje