Napoli e ka mbyllur sezonin e Serisë A me një fitore 2-0 në shtëpi ndaj Sampdorias, duke shkuar kështu në kuotën e 90 pikëve. Të dy golat erdhën në pjesën e dytë. Osimhen realizoi i pari në minutën e 64, duke shndërruar në gol një penallti. Simeone dyfishoi shifrat, në minutën e 85.
Kjo ishte edhe ndeshja e fundit e trajnerit Spaleti nën drejtimin e Napolit. Gjatë sfidës nuk munguan duartrokitjet dhe pankartat falenderuese në drejtim të tij. Në krahun tjetër, Sampdoria bie nga Kategoria, pas një sezoni tejet të dobët.