FLASH
Shkruar nga Pamfleti
Gjashtëmbëdhjetë anëtarë të klubit të Salernitanës, përfshirë tetë lojtarë dhe po aq anëtarë të stafit, përfunduan në spital pasi u kthyen nga ndeshja jashtë fushe në Xhenova për shkak të dyshimeve për helmim nga ushqimi.
Ekipi nga Kampania zbriti në fushë në “Marassi” për ndeshjen e parë të play-off-it të Serinë B kundër Sampdorias, të cilën ekipi ligur e fitoi 2-0. Pas ndeshjes, grupi mori një fluturim çarter për në Salerno-Costa d’Amalfi. Megjithatë, gjatë udhëtimit, disa lojtarë dhe anëtarë të stafit u ndjenë keq. Me të mbërritur në aeroport, u thirrën disa ambulanca për të transportuar personat e përfshirë në spital.
Dyshohet se bëhet fjalë për një helmim nga ushqimi. Grupi kishte konsumuar një drekë të paketuar, të përgatitur në Xhenova. Në lidhje me incidentin u bënë deklarata në Polici për të filluar hetimet e rastit.
Midis natës dhe mëngjesit, shumë prej anëtarëve dolën nga spitali. Megjithatë, rifillimi i stërvitjes i planifikuar për sot u anulua. Klubi po vlerëson mundësinë e kërkesës për shtyrjen e ndeshjes së kthimit kundër Sampdorias të planifikuar për të premten në mbrëmje në stadiumin “Arechi”.
Lini një Përgjigje