FLASH
Shkruar nga Pamfleti
“Këtu u bëra baba, këtu kalova nga një i ri në një të rritur. Rijeka është shtëpia ime e dytë, flas edhe pak kroatisht. Po largohem krenar, me kokën lart, pa keqardhje”, ishin këto fjalët emocionuese të Lindon Selahit, teksa shumë shpejt pritet të zyrtarizohet në Poloni te Vidzev Lodzi ku luan edhe futbollisti i kombëtares shqiptare, Julian Shehu. Një nga lojtarët më të rëndësishëm të Rijekës tani do t’i bashkohet ish-trajnerit të tij, Zeljko Sopiç.
Ai kaloi katër vjet në Rijeka dhe i tha lamtumirë klubit dhe tifozëve me një postim emocionues në “Instagram”. Pasi u konfirmua se po largohej nga Rijeka, Selahi kujtoi kohën e kaluar në qytet: “Nuk mund ta besoja çfarë po më ndodhte kur ndjeva lotët që filluan të më rridhnin ndërsa po shkruaja këtë. Por kështu është. Kështu është Rijeka. Emocion i pastër. Atje u bëra baba, aty kalova nga i ri në të rritur. Rijeka është shtëpia ime e dytë, flas edhe pak kroatisht. Po largohem krenar, me kokën lart, pa keqardhje. Mund t’i shoh të gjithë në sy.
Kjo është ajo që doja dhe kjo është ajo që arrita. Dhe do të kthehem në Rijekën time. Në raundin e fundit kundër Belupos, tifozët vraponin në fushë, Rijeka u shpall kampione. Ishte një çmenduri totale. Ata ma heqin fanellën, ne të gjithë kërcejmë, këndojmë, më mbanin në krahë, më ngrenë mbi supe. Unë bërtisja nga lumturia sepse katër vjet djersë dhe përpjekje kanë dhënë rezultatin më të mirë të mundshëm, e gjithë kjo del nga unë përmes atyre britmave.
E përqafoj fort këtë burrë që mund të ishte babai im, e shtyj kokën në shpatullën e tij sepse ndiej se emocione edhe më të forta do të shpërthejnë nga unë. Dhe pastaj qajmë së bashku nga lumturia dhe përsërisim: Kampionë, kampionë… Rijeka, kampionë! E pashë për herë të parë në jetën time. Dhe çfarë mund t’ju tregoj më shumë për tifozët, për Armadën, për Rijekën? Kjo është dashuri. A ka ndonjë gjë tjetër për të shtuar?”, ishin fjalët e mesfushorit.
Ofertat nga Kroacia- Selahi për “Novilist” foli edhe për ofertat e tjera nga Kroacia: “Nuk është sekret që kam pasur oferta nga klubet kroate. Dëgjoj gjithçka që ofrohet dhe pastaj kuptoj që po humbas kohën me veten dhe me ata njerëz, kur e di shumë mirë që nuk do të shkoja në asnjë klub tjetër kroat, se në Kroaci mund të luaj vetëm për Rijekën. Sepse ky qytet dhe ky vend janë bërë shtëpia ime. Jam me fat që kam privilegjin të kem dy shtëpi dhe njëra është Rijeka.
Do të ndjek çdo, por fjalë për fjalë çdo ndeshje dhe gjithçka rreth Rijekës. Nuk ka asnjë mënyrë që kjo të jetë lamtumirë. Shihemi më vonë. Sigurisht. Do të kthehem. Nëse jo si lojtar, atëherë si tifoz. Gjithmonë kam dhënë gjithçka. Si kur ka funksionuar, ashtu edhe kur nuk ka funksionuar.
Dhe klubi më ka dhënë më shumë sesa mund të përshkruhet me fjalë. Po largohem pa keqardhje. Me kokën lart. Mirupafshim, Rijeka. Mirupafshim, Armada – përfundoi Selahi. Shqiptari luajti 153 ndeshje në katër sezone, shënoi nëntë gola dhe asistoi katër herë, por më e rëndësishmja, ai fitoi kurorën e dyfishtë me Rijekën dhe hyri përgjithmonë në brezin e artë të Rijekës.
View this post on Instagram
Lini një Përgjigje