FLASH
Shkruar nga Pamfleti
Është mbyllur në barazim pa gola pjesa e parë mes Interit dhe Milanit, takimi i kthimit mes skuadrave e vlefshme për fazën gjysmëfinale të Ligës së Kampioneve.
Interi e nisi duelin në sulm dhe iu afrua golit me Xhekon në minutën e 3, por gjyqtari akordoi faull në sulm, për ndërhyrje të gabuar të Barelës ndaj Tonalit.
Vetëm 2 minuta më pas, Teo Hernandez u kundërpërgjigj me një predhë nga distanca, por tentativa e francezit shkoi ngjitur me traversën e Onanës.
Në minutat e para, Milani mbeti sërish kërcënues, këtë herë me me Brahim Diaz, që provoi me një gjuajtje në afërsi të pikës së penalltisë, por fantastik Onana që i mohoi golin kuqezinjve.
Në minutën e 38, Leao shkaktoi tërmet në mbrojtjen e Interit, portugezi u fut bukur brenda zonës, provoi të gjente cepin e portës, por gjuajtja shkoi jashtë kuadratit.
Ndërkohë vetëm 1 minutë më pas, Xheko u kundërpërgjigj. Boshnjaku goditi bukur me kokë pas harkimit të Çalhanoglu, por i jashtëzakonshëm Menjo në këto minuta, që tregoi reflekset, duke i mohuar golin zikaltërve.
Lini një Përgjigje