FLASH
Shkruar nga Pamfleti
Të bëhesh pjesë e Botërorit të Formula 1 është ëndrra e çdo piloti të ri që nis karrierën në timonin e një makine go-kart. Megjithatë, përveç talentit, ky rrugëtim kërkon edhe përballimin e kostove shumë të larta financiare, të cilat rriten ndjeshëm në çdo etapë.
Karriera nis zakonisht që në moshën 6-7 vjeç, me pjesëmarrjen në garat e kartingut. Në këtë fazë, një pilot i ri që synon profesionalizmin duhet të marrë pjesë në kampionate kombëtare dhe ndërkombëtare, ku kostot për pajisje, udhëtime, mekanikë dhe goma variojnë nga 50 mijë deri në 100 mijë euro në vit. Me kalimin në kategori më të avancuara, rreth moshës 13-14 vjeç, këto shpenzime rriten ndjeshëm, duke u dyfishuar.
Hapi i radhës është kalimi në njëvendëshe, konkretisht në Formula 4, ku një sezon me një ekip konkurrues kërkon një buxhet nga 350 mijë deri në 500 mijë euro. Në këtë fazë, familjet shpesh përballen me zgjedhjen mes sigurimit të sponsorëve ose përdorimit të kursimeve personale, pasi përfitimet financiare janë pothuajse të papërfillshme.
Në kategoritë më të avancuara, si Formula 3 dhe Formula 2, konkurrenca bëhet më e fortë dhe kostot rriten ndjeshëm. Një sezon në Formula 3 kushton nga 700 mijë deri në 1 milion euro, ndërsa në Formula 2 investimi arrin nga 1.5 deri në 2.5 milionë euro në vit.
Në total, rrugëtimi nga kartingu deri në Formula 1 mund të kushtojë rreth 8 deri në 10 milionë euro. Vetëm një numër i vogël pilotësh që arrijnë të bëhen pjesë e akademive të skuadrave të mëdha si Ferrari, Red Bull apo Mercedes mund të përfitojnë mbështetje financiare për të ndjekur këtë rrugë.
Ha, ha, ha, o gomere te pa hapur syte. Meqenese vajza ime kishte aftesi qe bebe te ecte ne maje te gishtave, u interesova te lidhesha me mesuese e kurse te baletit. Afrimi i kurseve ishte qesharak duke te afruar per cdo levizje te kembeve, duarve e trupit qimet e kokes. E lashe ate muhabet. Edhe sot femija 18 vjec ecen ne maje te gishtave pa puante, gje e rralle. Mos harroni, qe milionat qe fitojne Aset e sporteve do i paguajne para se ti fitojne. Shkodranet gjeniale thone, po nuk e dhe pesen kurre nuk e merr teten. Nuk behet fjale per "kafshet" qe rrihen per turp e puthen pas rrahjes per vdekje. Nuk ka turp me te madh qe ne kete shekull tejet te avancuar me te shkuaren njerezit bejne gladiadorin, "artistin" e Hollywood qe i nderrojne edhe emer e mbiemer, se nuk e ka terheqes. Hiqni nga syte sklepat e gjumit o njerez e thirrini mendjes. E cfare i duhet gelbazave media Shqiptare Formula 1 kur populli Shqiptar ka probleme me akute per te zgjidhur e shijuar?