Sport 4 Mars 2023, 17:44

Sezoni i ri fillon me dominimin e Red Bullit, Vershtapen siguron “pole position” e parë në Formula 1

Shkruar nga Pamfleti

Sezoni i ri fillon me dominimin e Red Bullit, Vershtapen siguron “pole

Gara e parë e këtij sezoni në kampionatin e Formula 1, do të nisë përsëri me makinat për t’u mundur, ata të kampionëve në fuqi të Red Bull, në vijën e parë. Maks Vershtapen dhe Serxhio Perez kanë vendosur diktatin e tyre në provat zyrtare të Çmimit të Madh të Bahrejnit për garën e nesërme që starton sezonin e ri.

Vershtapen ia doli të renditej përsëri para shokut të skuadrës, por me vetëm me një avantazh minimal ndaj tij, me më pak se 2 të dhjetat e sekondës që ndanin makinat. Pas krahëve të tyre ishin dy makinat Ferrari, me Lëklerk që u rendit i treti dhe me Sainz, i cili siguroi vendin e katërt vetëm me provën e tij në sekondat e fundit të kualifikueses së tretë.

Alonso me Aston Martin siguroi vendin e 5, ndërsa pas tij ishin me radhë Rasëll, Hemilton, Stroll, Okon dhe Hulkenberg, të cilët plotësuan 10-shen e parë të kualifikueseve.

Sezoni i ri fillon me dominimin e Red Bullit, Vershtapen siguron “pole

formula 1 maks vershtapen serxhio perez Çmimi i madh i bahrejnit