FLASH
Shkruar nga Pamfleti
Sandërlandi është padyshim surpriza më e bukur e këtij sezoni deri tani në Premier Ligë. Ekipi i sapongjitur në elitën e futbollit anglez ka fituar me rezultatin minimal 0-1 në transfertë ndaj Notingam Forest.
“Macet e zeza” gjetën golin në minutën e 38 me mbrojtësin paraguajan, Omar Alderete, i cili shënoi me kokë pas krosimit perfekt të Granit Xhakës nga goditja e dënimit.
Asist i tretë për mesfushorin me origjinë shqiptare në 6 ndeshjet e para të këtij sezoni në Premier Ligë, ku mban edhe shiritin e kapitenit. Rezultati nuk ndryshoi deri në fund.
Me këtë fitore Sandërlendi ngjitet në vendin e 3 me 11 pikë, 4 më pak se Liverpuli kryesues.
Lini një Përgjigje