
Lufta mes Ukrainës dhe Rusisë nuk ka në plan të ndalet dhe tashmë në rrezik është edhe futbolli në Ukrainë. Ndeshja Vorskla Poltava-Dinamo Kiev është ndërprerë në minutën e 81 dhe për disa minuta skuadrat nuk kanë zbritur në fushë.
Aktivizimi i alarmit për sulme ajrore, ka bërë që skuadrat të largohen nga fusha e blertë për disa minuta për të mos rrezikuar jetën. Titullar me skuadrën e Vorsklas, është Taulant Seferi. Skuadra e sulmuesit të kombëtares shqiptare po mundej me rezultatin 1-2.
Me sa duket, gjërat janë qetësuar dhe takimi që po zhvillohet në Poltava, ka rinisur. Skuadra e Vorsklas ndodhet vetëm 83 kilometra në vijë ajrore nga Kharkivi, zona më e nxehtë e luftës.
Lini një Përgjigje