FLASH
Shkruar nga Pamfleti
Edon Zhegrova pritet të largohet nga Juventusi gjatë merkatos së verës, pas një periudhe që nuk ka përmbushur pritshmëritë në Torino. Sipas raportimeve më të fundit, drejtuesit e “Zonjës së Vjetër” janë të prirur të ndërpresin bashkëpunimin me sulmuesin, pavarësisht dëshirës së këtij të fundit për të vijuar aventurën me klubin italian.
Eksperti i njohur i merkatos, Fabricio Romano, ka bërë të ditur se palët janë pranë një ndarjeje, ndërsa klubi tashmë ka nisur lëvizjet për largimin e lojtarit.
“Edon Zhegrova dhe Juventusi, një ndarje është më e mundshme gjatë verës. Ai do të dëshironte të qëndronte edhe për një vit dhe është i lumtur te bardhezinjtë, por klubi tashmë po punon për ta larguar. Megjithatë, nuk ka negociata me Beshiktashin pavarësisht spekulimeve në Turqi”, raporton Romano.
Ndërkohë, interesimi i përfolur nga klube të tjera, si Beshiktashi, nuk është konkretizuar ende në negociata zyrtare, duke lënë të hapur të ardhmen e lojtarit për opsione të tjera.
Lini një Përgjigje