ervin karamuço

Ekzekutimi i trefishtë në Fushë Krujë, Ervin Karamuço: Pse mendoj se nuk ishte dorë profesionistësh - Aktualitet
Aktualitet18 Korrik 2022, 21:41

Ekzekutimi i trefishtë në Fushë Krujë, Ervin Karamuço: Pse mendoj se nuk ishte dorë profesionistësh

Shkruar nga Pamfleti
Ekzekutimi i trefishtë në Fushë Krujë, Ervin

Ervin Karamuço, profesor i kriminalistikës ka folur lidhur me vrasjen e trefishtë në Fushë-Krujë, ku ai u shpreh se gjurmët që autorët kanë lënë pas do të shërbejnë për të kuptuar se për cilat grupe kriminale bëhet fjalë, pasi policia i disponon profilet.

Karamuços, shpjegoi se në Itali një ndër problematikat më të mëdha me të cilat po përballet policia italiane është alarmi i shtuar i vrasësve shqiptarë me pagesë.

Marrin porosinë, kryejnë detyrën e largohen. Ky është një problem i brendshëm që po e eksportojmë. E kemi logjistikën publike që një njeri i zakonshëm të stërvitet. Ka shumë profesionistë…janë trajnuar edhe nga mafia ruse. Krimi i organizuar këtu është në gjeneratën e tretë”, ka theksuar Karamuço për “Abc News”.

Por për sa i përket ekzekutimit në fundjavë, ai u shpreh se nuk duket si tipologji profesionistësh pasi nga mënyra se si e kryen atentatin rrezikuan shumë që të arrestoheshin në flagrancë.

Ndërsa pyetjes se si ia arrijnë autorët që gjithmonë të largohen pasi kanë kryer ekzekutime të tilla?

Ekspert i Kriminalistikës tha se policia ka investuar në 10 automjete me radarë rrugor, por që sipas tij sistemi nuk vihet në punë siç duhet nga ana e policisë.

10 makina me radarë rrugorë, por s’janë vetëm për gjoba, janë edhe për të identifikuar edhe targat e vjedhura. Nëse do të ishin ata radarë do të ishte ishin identifikuar targat. Nuk e di pse s’i kanë vënë në funksion. Për këtë sistem është investuar dhe nuk është vënë në punë. Pritej të parandalonte shumë ngjarje kriminale”, përfundoi ai.

Aktualitet Fushë-Krujë karamuço vrasja