FLASH

TAGS-AT E DITES

koalicioni meta-berisha

Na ndiqni edhe në
KONTAKT TE DHENAT PERSONALE COOKIES
Koalicioni Meta-Berisha, Alibeaj akuza “non gratës”: Po keqpërdor logon e PD, je në kushtet e veprës penale - Politike

TAGS-AT E JAVËS

Politike15 Mars 2023, 22:36

Koalicioni Meta-Berisha, Alibeaj akuza “non gratës”: Po keqpërdor logon e PD, je në kushtet e veprës penale

Shkruar nga Pamfleti

Koalicioni Meta-Berisha, Alibeaj akuza “non gratës”: Po

Enkelejd Alibeaj ka shpërthyer në sulme dhe kritika ndaj Sali Berishës, pas manovrave të sotme me dorëzimin në KQZ të kërkesës për regjistrimin e koalicionit “Bashkë Fitojmë”.

“Pamfleti” e raportoi që në fillim se Berisha ka bërë shkelje dhe po tentoni të provokojë KQZ, pasi në listën e partive të koalicionit ka futur dhe PD. Sipas Alibeajt, kjo është tërësisht antiligjore. Madje kemi të bëjmë me veprën penale për falsifikim të vulave dhe stampave.

“Depozitimi në KQZ për regjistrimin e koalicionit “Bashkë fitojmë” përmban një shkelje të rëndë lidhur me përdorimin e siglës dhe emrit të PD. Ky përdorim, i shkruar në një dokument zyrtar që ndodhet aktualisht në KQZ, është në kufijtë e një vepre penale. PDSH nuk është regjistruar ende në KQZ, kjo falë tifozërisë politike të drejtuesit të saj. Në cilësinë si kryekomisioner, Celibashi duhet të marrë masa urgjente për të shmangur regjistrimin e një koalicioni që përdor në mënyrë të paligjshme logon dhe simbolet e PD”, shkruan Alibeaj.

Më tej ai ka deklaruar se vendimi për PD do të merrte nesër nga KAS dhe çdo keqpërdorim i logove të saj është për të mashtruar zgjedhësit.

“Partia Demokratike mbetet në pritje të vendimit të nesërm të KAS. Çdo përdorim juridik në KQZ apo në institucione të tjera i emrit, siglës apo logos së saj është shkelje e Kodit Zgjedhor dhe mashtrim për zgjedhësit”, shkruan Alibeaj.

Sali Berisha vendosi të futet në zgjedhje krah Nard Ndokës, Vangjel Dules dhe Ilir Metës. Këtë mbrëmje ata kanë dorëzuar në KQZ kërkesën për të hyrë si koalicion në zgjedhje, teksa kanë provokuar me kërkesën e tyre. Koalicioni do të quhet “Bashkë fitojmë” dhe do të përbehet nga Partia e Lirisë, Partia Demokratike, Partia Demokristiane dhe Partia Bashkimi për të Drejtat e Njeriut.

Por kërkesa e tyre është antiligjore. Pak ditë më parë Celibashi konfirmoi se PD drejtohet zyrtarisht nga Lulzim Basha dhe sipas Kodit Zgjedhor, logon dhe emrin e një partie nuk mund ta përdorë asnjë tjetër. Në dokumentin e dorëzuar nga Endrit Braimllari në KQZ theksohet se PD do jetë pjesë e koalicionit dhe kryetar i saj është Sali Berisha, gjë që zyrtarisht nuk është e vërtetë. Po ashtu, skandali i dytë është se PD nuk është regjistruar akoma si parti në zgjedhje dhe nuk mund të jetë pjesë e asnjë koalicioni.

Këtë skemë ndoqi Sali Berisha dhe në zgjedhjet pjesshme të 6 marsit, por në atë kohë u refuzua. Ilirian Celibashi në ata kohë e largoi PD nga koalicioni duke lënë vetëm paritë e tjera. Me shumë mundësi dhe këtë herë do të ndodhë e njëjta skemë, pasi nëse pranohet PD si pjesë e këtij koalicioni do të jetë skandal.

berisha alibeaj koalicioni

Politike