FLASH

TAGS-AT E DITES

mase sigurie

Na ndiqni edhe në
KONTAKT TE DHENAT PERSONALE COOKIES
Përfitoi shtëpi dhe truall në konflikt interesi, mori para për ndryshimin e një mase sigurie, KPK zbardh vendimin për gjyq - Aktualitet

TAGS-AT E JAVËS

Aktualitet10 Shkurt 2019, 10:10

Përfitoi shtëpi dhe truall në konflikt interesi, mori para për ndryshimin e një mase sigurie, KPK zbardh vendimin për gjyq

Shkruar nga Pamfleti
Përfitoi shtëpi dhe truall në konflikt interesi, mori para

Përfitoi shtëpi dhe truall në konflikt interesi, mori para për ndryshimin e një mase sigurie, KPK zbardh vendimin për gjyqtarin Alltun Çela

Komisioni i Pavarur i Kualifikimit ka zbardhur të gjitha arsyet se pse shkarkoi nga detyra kryetarin e Gjykatës së Sarandës, Alltun Çela. Për ish-gjyqtarin kriteri i pasurisë rezultoi me mjaft probleme, ku nga vendimi i KPK vlen të veçohet përfitimi i në shtëpie dhe trualli. Sipas KPK, këto dy pasuri Çelës ia ka dhuruar i ati, i cili i ka përfituar me vendim gjykate. Por problemi qëndron tek fakti se në momentin që gjykata ka vendosur në favor të babait të subjektit të rivlerësimit, Alltun Çela ka qenë kryetar i kësaj gjykate.

“Subjekti është bërë pronar i shtëpie banimi dhe truall me anë të kontratës së dhurimit nga i ati, K. Ç. Nga shqyrtimi i dokumentacionit rezulton se z. K. Ç i është drejtuar Gjykatës së Rrethit Gjyqësor Delvinë më datë 06.10.1995 me cilësinë e paditësit. Në këtë kohë kjo gjykatë ka patur në përbërje të saj vetëm 4 gjyqtarë dhe 4 ndihmësgjyqtarë; Subjekti nuk arriti të bindë Komisionin se Gjykata e Rrethit Gjyqësor Delvinë, kryetar i së cilës ishte vetë subjekti, ishte e vetmja gjykatë kompetente për shqyrtimin e kërkesës së babait të subjektit duke shkaktuar kështu një konflikt interesi të paktën në dukje, të nxitur edhe më shumë nga shpejtësia me të cilën u vendos ky rast dhe u vendos në favor të babait të subjektit”, argumentohet në vendimin e KPK.

Një tjetër pasuri problematike e Çelës është edhe një ambient në Sarandë. “Në përgjigje të pyetjes sonë nëse ky mjedis shfrytëzohet, subjekti përgjigjet se mjedisi është ende i papërfunduar dhe ka bashkëngjitur dy foto. Nga fotot duket sikur janë pamje të dy ambienteve të ndryshme, sepse tek njëra është tavani i përfunduar, madje edhe ndriçimi, ndërsa te tjetra duket që tavani është ende i pambyllur. Nëse pretendohet se bëhet fjalë për të njëjtin ambient, pamjet duket sikur tregojnë për një sipërfaqe më të madhe se ajo e deklaruar prej 30 m²”, thuhet në vendim.

Përtej pasurisë, KPK ka konstatuar probleme edhe me integritetin e figurës së Alltun Çelës. Së pari, Çela dyshohet se ka përfituar para për të ndryshuar vendimin për një shtetas. Ai po ashtu, në një rast tjetër, një shtetas e ka dënuar për shpërdorim detyre dhe më pas e ka marrë si ekspert për rivlerësimin e pasurive të paluajtshme dy herë.

Aktualitet KPK zbardh vendimin për gjyqtarin Alltun Çela mori para për ndryshimin e një mase sigurie Përfitoi shtëpi dhe truall në konflikt interesi

Aktualitet