Vrasja e dyfishtë/ Vjen njoftimi i parë zyrtar nga Policia e Shkodrës. Ja çfarë thuhet - Aktualitet
Aktualitet30 Mars 2019, 11:22

Vrasja e dyfishtë/ Vjen njoftimi i parë zyrtar nga Policia e Shkodrës. Ja çfarë thuhet

Shkruar nga Pamfleti

Vrasja e dyfishtë / Vjen njoftimi i parë zyrtar nga Policia e Shkodrës. Ja çfarë thuhet

Policia e Shkodrës ka dhënë informacionin e parë zyrtar për vrasjen e dyfishtë që tronditi Shkodrën sot.

Informacioni paraprak i policisë

Me datë 30.03.2019, rreth orës 09:45, në lagjen “Guerile” në vendin e quajtur “Zooteknika”, nga persona ende të pa identifikuar janë vrarë me armë zjarri shtetasit  A. B. 59 vjeç dhe B. B., 61 vjeç (vëllezër).

Shërbimet e Policisë kanë shkuar menjëherë në vendngjarje dhe janë vënë në ndjekje të autorëve të cilët pas ngjarjes janë larguar me një automjet i cili është gjetur duke u djegur në një rrugicë në brendësi të lagjes ku ka ndodhur ngjarja.

Në ndihmë të Policisë së Shkodrës janë vënë forcat FNSH Shkodër, ku janë ngritur pika kontrolli, si dhe po bëhet krehja në një perimetër të gjerë të zonës me qëllim kapjen e autorëve.

Gjithashtu nga Drejtoria e Përgjithshme e Policisë së Shtetit është nisur një grup i posaçëm me ekspertë dhe drejtues të Policisë Kriminale dhe asaj të Rendit për t’ju bashkuar grupit hetimor të ngritur për zbardhjen e kësaj ngjarje.

Policia e Shkodrës kërkon bashkëpunimin e qytetarëve që çdo informacion sado të vlefshëm që mund të kenë të njoftojnë  në numrin 112 ose në numrin 0 69 410 2147 duke ju garantuar ruajtjen e plotë të  anonimatit.


Për të rejat më të fundit behuni pjesë e grupit tonë VIRAL në facebook : PAMFLETI

Aktualitet