Shaip Kamberi

Zgjedhjet në Serbi, Shaip Kamberi do jetë deputeti i vetëm shqiptar në parlament - Bota
Bota 4 Prill 2022, 11:52

Zgjedhjet në Serbi, Shaip Kamberi do jetë deputeti i vetëm shqiptar në parlament

Shkruar nga Pamfleti

Presidenti serb Aleksandër Vuçiç shpalli fitoren në zgjedhjet presidenciale dhe parlamentare të mbajtur më 3 prill. Sipas rezultateve paraprake të publikuara nga organizatat joqeveritare në Serbi, IPSOS/CeSid, kandidati i Partisë Përparimtare Serbe dhe kreu aktual i shtetit, Vuçiç ka fituar gati 60 për qind të votave.

Ndërkohë Partitë shqiptare garuan me dy lista në zgjedhje, “Koalicioni i Shqiptarëve për Luginën” i Shaip Kamberit dhe “Alternativa për Ndryshim” e Shqiprim Arifit.

Por sipas rezultateve paraprake shqiptarët do të përfaqësohen vetëm me një deputet në Kuvendin e Serbisë, dhe zëri i vetëm do të jetë Shaip Kamberi.

Koalicioni i Shqiptarëve i Shaip Kamberit ka marrë 0.28% për qind të votave në zgjedhjet parlamentare të mbajtura të dielën në Serbi.

Pritshmëritë e partive shqiptare në këto zgjedhje ishte që të siguronin mbi 3 deputetë në Parlamentin e Serbisë.


smile

Rajoni #Shaip Kamberi #Serbi #Kosovë