sistemi i Drejtësisë

Sistemi i drejtësisë në kolaps, vetëm 20 përqind mund ta kalojnë “Vettigun”. Të ndryshohet Kushtetuta e të merren pr - Aktualitet
Aktualitet23 Mars 2018, 18:55

Sistemi i drejtësisë në kolaps, vetëm 20 përqind mund ta kalojnë “Vettigun”. Të ndryshohet Kushtetuta e të merren pr

Shkruar nga Pamfleti

Sistemi i drejtësisë në kolaps, vetëm 20 përqind mund ta kalojnë “Vettigun”. Të ndryshohet Kushtetuta e të merren prokurorë e gjyqtarë nga SHBA e BE

Praktikisht sistemi i drejtësisë në Shqipëri ka rënë. Kolapsi ka mbuluar gjyqësorin dhe institucionin e akuzës, ku vendet bosh tashmë janë bërë të zakonshme. Vonesa në implementimin e reformës në Drejtësi dhe Vettingut ka krijuar dhe vakuumin e parë në sistemin e drejtësisë.

Këtë e kanë ndjerë fillimisht gjykatat e niveleve në larta, përfshirë atë të apelit dhe ajo Kushtetuese. Pasi nuk kanë mundur të plotësojnë vendet vakante në fillim për shkak të pritjes për të kaluar në Vetting sipas ligjit.

Vonesat e krijuara nga vetë sistemi i drejtësisë me ankimimet për ligjet e Vettingut në Kushtetuese, por dhe opozita në Komisionin e Venecias dhe në kushtetuese njëkohësisht i shtynë të gjitha afatet. Duke ndikuar drejtëpërdrejtë. Dhe si të mos mjaftonte kjo, me hyrjen në fuqi të ligjit të Vettingut, një pjesë e gjyqtarëve dhe prokurorëve u tërhoqen nga sistemi i drejtësisë vetëm e vetëm për të mos iu nënshtruar këtij procesi.

 “Peshat e rënda” të gjyqësorit dhe prokurorisë që u tërhoqën janë ish kreu i prokurorisë Adriatik Llalla dhe anëtari i Gjykatës Kushtetuese Besnik Imeraj,  të cilët nuk justifikonin pasuritë e tyre, dhe u larguan vetë.

Kanë abuzuar rëndë më detyrën aq sa nuk dëshirojnë më të jenë në sistemin e drejtësisë. Njëkohësisht janë edhe 17 gjyqtarë dhe prokurorë të tjerë që u tërhoqën nga sistemi për shkak të frikës së Vettingut.

Nga ana tjetër po sot një anëtar i gjykatës Kushtetuese, Fatos Lulo nuk e kaloi provën e “Vettingut”, pasi nuk justifikonte dot pasurinë marramendëse. Duke u përjashtuar nga sistemi i drejtësisë njëherë e mirë.

Për pasojë Gjykata Kushtetuese është jashtë funksionit, nuk ka kuorum për vendimmarrje. Aq më tepër që situata mund të thellohet dhe “viktima” të vettingut të jenë dhe anëtarë të tjerë të Kushtetueses.

Edhe në Gjykatën e Lartë, në porokurori, në gjykatat e nivelit të parë paraqitet e njëjta situatë. Pritet që Vettingu të “hajë” 80 përqind të sistemit duke e zhytyr atë në kolaps të plotë. Pasi vetëm 20 përqind mund të kenë mundësi të justifikojnë paratë e tyre.

Ndërkohë që çështjet në gjykata e prokurori janë bërë kapicë deri më tani dhe prokurorët e gjyqtarët aktualë e kanë të vështirë të hetojnë dhe gjykojnë një numër kaq të madh çështjesh.

“Stoku” i çështjeve të pashqyrtuara dhe pahetuara shtohet e shtohet përditë, pa asnjë mundësi hetimi dhe gjykimi.

Në këto kushte lind e nevojshme që politika të arrijë konsensus dhe në Kuvend të ndryshojë Kushtetutën për të marrë prokurorë dhe gjyqtarë nga jashtë. Ndoshta për një periudhë të caktuar kohe. Të marrin prokurorë dhe gjyqtarë nga SHBA dhe vendet e BE, ndoshta jo vetëm do të plotësonin vendet vakante në sistemin e drejtësisë por dhe do të sillnin drejtësinë në binarët normalë. Madje do të rrasnin në burg të gjithë “peshqit e mëdhenj”, që nuk po arrijnë ta bëjnë shpejt prokurorët dhe gjyqtarët shqiptarë.

Ka ardhur koha për një kompromis të tillë nga politika, pasi drejtësia është në ditët e saj më të zeza. S’ka as numrat fizikë./Pamfleti.com

codramol
smile

Kryesore Sistemi i drejtësisë në kolaps të merren prokurorë e gjyqtarë nga SHBA e BE Të ndryshohet Kushtetuta vetëm 20 përqind mund ta kalojnë “Vettigun”