Aktualitet25 Shtator 2023, 22:56

A mund të hetohet Rama nga SPAK pas deklarimit fajtor të McGonigal për dosjen shqiptare?

Shkruar nga Pamfleti

A mund të hetohet Rama nga SPAK pas deklarimit fajtor të McGonigal

Ish prokurori Eugen Beci, ka analizuar çështjen McGonigal dhe pranimin e fajësisë nga ish zyrtari i lartë i FBI-së, për dosjen shqiptare në Uashington.

I ftuar në emisionin "Të Paekspozuarit" në MCN TV, Beci tha se vendimi i gjykatës në Uashington, përbën një provë për autoritetet shqiptare të cilat mund të nisin menjëherë një hetim për ato akuza që McGonigal ka pranuar, mes të cilave disa takime me kryeministrin Rama.

Beci tha se SPAK nuk ka nevojë të kryejë hetime për ato akuza që McGonigal i ka pranuar njëherë në SHBa, por duhet të hetojë a ka një fakt penal për personat lidhen me McGonigal në Shqipëri, përfshirë kryeministrin Rama.

"Sa i përket procedurës, jemi në fazën që Shqipëria duhet të shohë faktin penal. Pjesa penale, që hyn në Kodin Penal të Shqipëriasë, për fakte penale që kryejnë shqiptarë edhe në shtete të huaja, ku përfshihet edhe korrupsioni, nuk ka lidhje me vendimet e shteteve të huaja. Pra autoritetet shqiptare kishin detyrë të kryenin një hetim.

Nuk ka përfunduar çështja. Kemi një çështje me dy bashkëpunëtorë dhe gjykohet vetëm njëri. Dënohet njëri, por vendimi që ka deklaruar fajtor është provë për bashkëpunëtorët e tjerë, nuk ka nevojë më për hetim të këtyre fakteve.

Vendimi i marrë për McGonigal është provë e kryer nga një gjyqësor i pavarur, mund të merret ligjërisht, vjen nëpërmjet rrugës zyrtare, shkon në Prokurori, në SPAK dhe të gjitha ato janë prova që nuk kanë nevojë për hetim tjetër. Është provë e prëcaktuar automatikisht, nuk ka nevojë të provohet. Gjithçka flitet në atë vendim është e provuar.

Personi që ka lidhje me situatë do të shihet a ka përgjegjësi. Të gjitha veprimet janë të ndikimi i paligjshëm.

Autoritetet shqiptare, duhet që pavarësisht nga kërkesa e një përfaqësuesi të opozitës, duhet që të niste hetiemt për të vërtetuar faktin penal, a kemi ushtrim ndikim itë paligjshëm dhe korrupsion.

Nëse është çuar nga Gazment Bardhi një kallëzim, SPAK mund të regjistrojë çështje penale, por nuk e bën publike derisa të marrë të pandehur një person", tha ndër të tjera Beci.

rama mc gonigal